Shyǵarmashylyq keshtiń shymyldyǵy kompozıtordyń «Babalar rýhy», «Jýsandy dala» atty kúılerimen ashylyp, atalǵan shyǵarmalardy dırıjer Muhtar Rahmanqulov jetekshilik etken qazaq ult-aspaptar orkestri oryndady. Dúısenáli Byqybaev «Biz ekeýmiz», «Elikteı erke qyz», «Aǵaıyn» jáne basqa da ánderimen tyńdarman qaýymǵa belgili. Marfýǵa Aıthojına, Ábdirahman Asylbekov, Jańyl Asylbekova sııaqty belgili aqyndarmen shyǵarmashylyq baılanysta bolǵan kompozıtor shyǵarmashylyǵy bul kúni elimizge tanymal ánshilerdiń oryndaýynda Áýlıeata aspanynda qalyqtady. Dosymjan Tańatarov, Saıat Medeýov, Gúlnur О́mirbaeva, Ádil Slamhan, Dana Mahanbaeva, Aıgúl Maqasheva, Maralbek Babaqulov, Ǵanı Mátebaev jáne ózge de óner ıeleri kompozıtordyń ánderin naqyshyna keltire oryndap, kórermenniń qoshemetine bólendi.
Qulan topyraǵynyń týmasy, ómirden erte ozǵan daryndy kompozıtor Mels О́zbekovtiń qazaqtyń án tarıhyndaǵy oryny aıryqsha. Osy oraıda sóz alǵan kesh ıesi halyqqa óziniń Melsteı óner ıesiniń rýhanı shákirti ekenin jetkizip, rýhanı ustazynyń «Kelshi, aıym» ánin qasıetti dombyramen oryndap berdi. Sondaı-aq Mels О́zbekovten qalǵan qasıetti qara dombyrany Dosymjan Tańatarovqa tartý etti. Al Gúlnur О́mirbaevanyń oryndaýyndaǵy kompozıtordyń «Melsti ańsaý» áni kórermenniń yqylasyna bólenip, halyqtyń perzentine degen saǵynyshyn kórsetti. Bul án tyńdarmandarǵa Qulannan esken qońyr saz sııaqty áser etip, kópshilik kóńilinen shyqty. Shyǵarmashylyq kesh sońynda konsertke qatysqan ánshiler «Jasa máńgi, Astana» ánin oryndady.
Hamıt ESAMAN,
«Egemen Qazaqstan»
Jambyl oblysy
