Kelisimniń maqsaty avtokólik quraldaryn jymqyrýǵa qarsy kúres máseleleri boıynsha quqyqtyq negizderdi jasaý bolyp tabylady.
Qosymsha baıandama jasaǵan Konstıtýsııalyq zańnama, sot júıesi jáne quqyq qorǵaý organdary komıtetiniń múshesi Vladımır Volkov Qazaqstanda 1993 jyldan bastap búginge deıin 60 myńnan astam avtokólik urlanǵanyna otyrysqa qatysýshylardyń nazaryn aýdardy. Izdestirilip, tabylǵan 43 myńǵa jýyq kólikter ıelerine qaıtarylǵan kórinedi. Bul urlanǵan kóliktiń 70 paıyzy bolyp otyr. О́tken 12 jylda Qazaqstannan urlanǵan jáne shetke áketilgen 200 avtomobıl TMD elderinen tabylǵan. Olardyń 66-sy qaıtaryldy. Osy kezeńde TMD elderinen urlanǵan 222 avtokólik bizdiń elimizden tabylsa, olardyń 77-si qaıtarylypty.
Kelisim aıasynda avtokólik quraldaryn jymqyrýǵa baılanysty qylmystardyń aldyn alý, anyqtaý, jolyn kesý, ashý jáne tergep-tekserý, izdestirý jáne olardy qaıtarý jóninde taraptardyń yntymaqtasýy kózdelip otyr. Taraptardyń biriniń aýmaǵynda jymqyrylǵan avtokólik quraly tabylǵan kezde osy Kelisimde belgilengen rásimderge sáıkes avtokólik quraldaryn qaıtarý jónindegi sharalar júzege asyrylady.
Otyrysta «Qazaqstan Respýblıkasynyń keıbir zańnamalyq aktilerine quqyq qorǵaý qyzmetiniń prosestik negizderin jańǵyrtý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy.
Zań jobasynyń tujyrymdamasy adamnyń konstıtýsııalyq quqyqtaryn qorǵaýdy nyǵaıtý, tergeý men taraptar tartystylyǵynyń tıimdiligin arttyrý, sot baqylaýyn odan ári keńeıtý, buıryqtyq is júrgizý ınstıtýtyn engizý arqyly tergeý rásimderin ońaılatý, sondaı-aq qylmystyq qýdalaý, prokýratýra jáne sot organdary arasyndaǵy qosarlanýdy joıý men ókilettikterdi naqty bólý jónindegi mindetterdi iske asyrýdy kózdeıdi.
Zań jobasymen elimizdiń Qylmystyq-prosestik kodeksine, «Jedel-izdestirý qyzmeti týraly» jáne «Prokýratýra týraly» zańdarǵa ózgerister men tolyqtyrýlar engiziletin bolady.
Zań jobasy Palatanyń qaraýyna jiberildi.
