О́ńirdegi «Jas ǵalymdar» keńesiniń málimetinshe, baıqaýǵa 30-dan astam jas ǵalym qatysypty. Barlyq jastardyń ózderin ǵylymǵa degen, ǵylymı ortaǵa degen qyzyǵýshylyqtary, izdenisterin arqyly kórsete bilgen. Qorytyndy sátte S.Toraıǵyrov atyndaǵy PMÝ PhD doktory, «Kásiptik oqytý jáne qorshaǵan ortany qorǵaý» kafedrasynyń aǵa oqytýshysy Irına Chıdýnchı «Jas dáriger» atalymynda úzdik atanyp, birinshi dárejeli dıplommen marapattaldy. Irına óńirimizdegi tuzdy kólderindegi artemııa salına atalatyn shaıandardy zerttegen eken. Ǵylymı tilmen aıtsaq, artemııa (Artemia salina) – tuzdy sýdyń omyrtqasyz, shaıan tárizdi jándigi. Ashy sýlarda ǵana ómir súretin ol mıkroorganızmder men jáne baldyrlarmen qorektenedi. Artemııanyń sý jıegine shyǵarylǵan jumyrtqasy óte joǵary baǵalanady. Balyqtyń qoregi, belok. Qytaılyqtar odan adam aǵzasyna bıo qosymshalar, kosmetıkalyq ónimder jasaıdy eken. Ekinshi oryndy «Kásiptik oqytý jáne qorshaǵan ortany qorǵaý» kafedrasynyń aǵa oqytýshysy Shynar Arynova ıelendi. Shynar jobasynda «Sý resýrstarynyń ekologııalyq qaýipsizdigin» zerttedi. Kelesi júldeger– hımııa jáne hımııalyq tehnologııalar kafedrasynyń oqytýshysy Dıas Tólegenov «Sýlfatty eritindilerden myrysh alý ádisin kórsetip,» «Úzdik sheber» nomınasııasyn aldy.
Jalpy, bizdiń óńirdegi kólderdiń barlyǵynda derlik Artemııa salına qurt shaıandar bar. Biz de tilshi retinde bul jaıynda zerttep jazyp júrmiz.
2011 jyly oblystaǵy artemııa salına qurty bar 17 tuzdy kól konkýrsqa qoıylyp, tabıǵat paıdalanýshylarǵa jalǵa beriledi.Oblystaǵy balyq ınspeksııasynyń málimetinshe, sol jyly respýblıkalyq bıýdjetten bul kólderge bıologııalyq-ekonomıkalyq zertteýler júrgizý úshin 16 mıllıon teńge qarajat bólinipti. Konkýrstyń qorytyndysynda О́skemendegi balyq sharýashylyǵyn zertteý ınstıtýtynyń Altaı fılıaly kólderge zertteý júrgizedi.
Farıda Byqaı
«Egemen Qazaqstan»
Pavlodar
Sýretti túsirgen: Rýfına Torpısheva
