Jasampaz jyldar – jarqyn bolashaq tuǵyry

Elimiz bodandyq dáýirin basynan ótkerdi. Tarıhqa sheginis jasa­saq, eki ǵasyrǵa jýyq aralyqta Qazaq eli óz baılyǵyn el ıgiligine jum­saýǵa múmkindigi bolǵan joq. Qa­zaq jerinde ekonomıkalyq da­mý otarlyq  baǵynyshty sıpatta qalyptasty. Qazaq­stan basqa da met­ropolııaǵa táýeldi aımaqtar tá­rizdi shıkizat kózi men ony alǵashqy óńdeý­den ótkizý ortalyǵy retinde qyz­met etti. Qazaq jeriniń shıkizat kózi retinde baǵalanýy sol jyldary ulttyq ıntellıgensııa ókil­derine úlken dabyl týǵyzdy. Bul jó­ninde HH ǵasyrdyń basynda Smaǵul Sadýaqasov «Qazaqstan otar el, otar bolyp qala beredi», dep ashyna jazǵan bolatyn.

Ata-babamyz ǵasyrlar boıy armandaǵan azattyqqa qol jetkizip, irgeli el bolǵa­nymyzǵa shırek ǵasyrdan asa ýaqyt ótti. Tarıh úshin qas-qaǵym sát bolǵanymen, eli­miz úshin jetistikterdi eńsergen mereıli kezeń boldy. 

Syndarly ýaqytta Qa­zaq eliniń barlyq aýyrt­palyǵy men jaýap­ker­shiligin óz moınyna alǵan Nursultan Ábishuly Nazarbaev táýelsizdik jyldarynda el abyroıyn álem aldyna asqaqtatty.

Qazaqstannyń ulttyq ıdeıasyn qalyptastyryp, báse­kege qa­bi­lettilik, damýdyń ozyq tu­jyrymdamalaryn dú­nıege ákel­di. Bul tarıhı oqıǵalardyń basty erek­sheligi – qoǵam turaq­ty­ly­ǵy, naryqtyq ekonomıka, áleý­met­tik ádilettilik jáne zań ústem­digi negi­zinde el egemendigin nyǵaıtý boldy. 

Qazaq eli táýelsizdik jyl­daryn­da qýatty memleket retinde qa­lyp­tasyp, álemniń aldyńǵy qatar­ly eline aınalý jolynda talaı be­lesterdi baǵyndyrdy, tamyry tereńde jatqan tól tarıhymyzdyń jańa betteri ashyldy. Osy ýaqyt ishinde ekonomıkalyq jáne áleý­mettik mańyzy zor jobalardy qol­ǵa alyp, álemdik deńgeıdegi is-shara­lardyń ótýine uıytqy boldy. Ústi­mizdegi jyly ótkizilgen EKSPO-2017 kórmesi de eli­miz úshin damý­dyń jańa qadamy edi. Kór­me álem­dik qaýymdastyqta memle­ketimizdiń my­ǵymdyǵyn, eli­mizdiń eńseliligin, oıy­myzdyń tereńdigin, halqymyzdyń qo­naq­jaı­lyǵyn, aınalyp kelgende, ulttyń ulylyǵyn tanytty.

Elimizdiń úsh myńynshy jyldyqtaǵy rýhanı jań­ǵyrýynyń negizi ǵylym men bilimde, ıaǵnı jańa modeldi rýhanııat álemine kóshý bolyp tabylady. Osy oraıda, rýhanı jańǵyrý ulttyq ıdeologııamyzdyń sapaly damýy­na tyń serpilis berdi. Osy ba­ǵyt­ta atqarylyp jatqan is-shara­lardyń barlyǵy qazaq halqyn ult retinde jańa beleske kóteretin, ıntellektýaldy, ultjandy urpaq qalyptastyrýǵa baǵyttalǵan. El tarıhyndaǵy jasampaz jyldar jarqyn bolashaqqa tuǵyr boldy.

Qazirgi Qazaqstan – ty­nyshtyq pen turaq­tylyqtyń mekeni. Elimiz birliktiń besigine, tatýlyqtyń tiregine aınaldy.  

Bizdiń jetken osy jetis­tik­terimiz jáne jeńisterimiz Elba­sy­nyń atymen tikeleı baılanysty ekeni anyq. Búgingi tańdaǵy elimizdiń mártebesin ósirip, mereıimizdi asyr­ǵan halqymyzdyń beıbit ómiri men baqytty bolashaǵy úshin qalt­qy­syz qyzmet etken Elbasy – N.Á.Nazarbaev. 
Meni Elbasy N.Á.Nazarbaevtyń «Men aýyz­­birshilikten aınymaıtyn aqjúrek jurtymnyń qýatty ultqa, shýaqty ulysqa aınalaryna kámil senemin», degen sózi tolǵandyrdy. Iá, barlyǵymyz osy maqsatqa jetýde jumyla qyzmet eteıik!  

Záýre ABDIRASILOVA,
tarıh ǵylymdarynyń 
kandıdaty, Qazaq ulttyq horeografııa akademııasy áleýmettik-gýmanıtarlyq ǵylymdar jáne 
art-menedjment kafedrasynyń dosenti