Keshe Aqtóbe oblysy Qazaqstan halqy Assambleıasynyń bastamasymen «Tuńǵysh Prezıdent kúni – ulttyq tutastyq merekesi» taqyrybynda ótkizilgen májiliste Q.Jubanov atyndaǵy Aqtóbe óńirlik ýnıversıtetiniń professory, tarıh ǵylymdarynyń doktory Nurtaza Abdollaev aıtar sózin osy arnadan sabaqtady.
Tuńǵysh Prezıdenttiń arqalaǵan júgi salmaqty. Oǵan memlekettilikti qalyptastyryp, eldi ótpeli kezeńniń qıynshylyqtarynan alyp shyǵý sekildi úlken tarıhı mindet júkteldi. El senimi tolyǵymen aqtaldy. Tuńǵysh Prezıdenttiń tóńiregine barsha qazaqstandyqtar tyǵyz toptasa tústi. El-jurt Elbasynyń bastamasymen jas memleketimizde qolǵa alynǵan reformalarǵa qoldaý kórsetip, onyń tiregi bola bildi, dedi budan ári S.Báıishev atyndaǵy Aqtóbe ýnıversıtetiniń dosenti, qazaq tili men ádebıeti kafedrasynyń meńgerýshisi Tilektes Toqsanbaeva.
Sondaı aq búgingi kúni Tuńǵysh Prezıdenttiń salıqaly saıasatynyń nátıjesinde el ekonomıkasy ósip-órkendep, saıası-áleýmettik damý úrdisi alǵa basyp otyr. Elbasymyz búgingi kúni tuǵyrlanyp kele jatqan memleketimizdiń saıası, ekokomıkalyq jáne rýhanı turǵydan úndese damýynyń birtutas jolyn kórsete otyryp, qazaqstandyqtardy jańa bıikter men asýlarǵa bastap keledi. Májiliske qatysqan etnomádenı birlestikter men shyǵarmashylyq ujym jetekshileri jáne aqsaqaldar men analar keńesteriniń músheleri Elbasy eńbeginiń osy qyryna ekpin túsirdi. «Nur Otan» partııasy, «Jas Otan» jastar qanatynyń múshesi Ásel Bólekova búgingi urpaq elimizdegi ǵalamat ózgeristerdiń kýási ekenin aıta kelip, olardyń boıynda ortaq Otanymyz Qazaqstanǵa degen maqtanysh sezimi ornyǵyp kele jatqanyn tilge tıek ketti.
Májiliske qatysýshylar Tuńǵysh Prezıdent kúni – ulttyq tutastyqty tereńdete túsetin mereıli mereke degen tujyrymǵa toqtaldy.
Temir QUSAIYN,
«Egemen Qazaqstan»
AQTО́BE
