Elimizdi nebir qıyn kezeńderden, túrli daǵdarystardan aman-esen alyp shyǵyp, álem tanyǵan memleketke aınaldyrǵan bilikti saıasatker N.Nazarbaev – qazaq halqynyń maqtanyshy.
Elimizdiń ekonomıkalyq-áleýmettik jáne rýhanııat salasyndaǵy jetistikterine Qazaqstan halqy ǵana emes, búkil álem kýá bolyp otyr. Osy oraıda, Elbasymyz N.Nazarbaevtyń halyqaralyq saıasatta, dúnıe júzinde qaýipsizdik pen beıbitshilikti saqtaýda álem moıyndaǵan kóshbasshy bolyp tanylýyna aıryqsha toqtalǵym keledi.
N.Nazarbaevtyń Keńes dáýirinde-aq Semeı ıadrolyq synaq polıgonyn jabýy týraly tarıhı sheshim qabyldaǵanyn, sóıtip qýatty raketalyq-ıadrolyq qarýdan bas tartqanyn qazaqstandyqtar ǵana emes, búkil álem jurtshylyǵy biledi. Qazaqstan táýelsizdik alǵaly beri ıadrolyq qarýsyz, beıbit ómir súrý úshin kúresip keledi. Bul kúrestiń bastamashysy – N.Nazarbaev. Elbasynyń bastamasymen Halyqaralyq ıadrolyq synaqtarǵa qarsy is-qımyl kúni jarııalandy.
О́tken jyly maýsym aıynda Qazaqstan BUU Qaýipsizdik Keńesiniń turaqty emes múshesi bolyp saılandy. Bul da Elbasymyzdyń álemdegi halyqaralyq qaýipsizdiktiń damýyna qosqan úlesi. Bizdiń Prezıdentimiz dúnıe júzindegi eń birinshi oryndaǵy «Bitimger» dep tolyq aıta alamyz. Búgingi kúnde dúnıe júzi Nursultan Nazarbaevty álemdik aýqymdaǵy Kóshbasshy ekenin moıyndap, qurmetteıdi. Elbasy Ýkraına máselesin, Reseı-Túrkııa qatynastaryn jaqyndatý, Aýǵanstan, Sırııada oryn alǵan kóptegen daý-damaılar men shıelenisti oqıǵalarǵa der kezinde araaǵaıyn bolyp, talaı máselelerdiń oń sheshimin tabýyna zor úlesin qosty. N.Nazarbaevtyń «Álem. XXI ǵasyr» atty manıfesi Qazaqstannyń beıbitsúıgish el ekenin dáleldeı tústi.
Astana qalasynda árbir úsh jyl saıyn ótip kele jatqan Álemdik jáne dástúrli dinder kóshbasshylarynyń sezi, bıylǵy Sırııadaǵy daǵdarys boıynsha ótken Astana prosesi dúnıe júzinde beıbitshilik pen qaýipsizdikti saqtaýǵa zor úles qosyp keledi. Búgingi kúnge deıingi jetken barsha jetistikter Elbasymyz N.Nazarbaevtyń ólsheýsiz eńbegi desek eshbir qatelespeımiz.
Qyrǵyzbaı DÁÝLETOV,
Turar Rysqulov aýdanynyń qurmetti azamaty
Jambyl oblysy
