Oblystyq ishki ister departamenti bastyǵynyń orynbasary, polısııa polkovnıgi Mereke Alshaǵyrovtyń aıtýynsha, mundaı sheshim úshin daýys berý Ishki ister departmamenti bólimi ardagerleriniń, departmament qyzmetkerleri men jetekshileriniń qatysýymen ashyq ótti. Qostanaı qalalyq ishki ister basqarmasy ákimshilik polısııasy bóliminiń qyzmetkeri Berik Keńesbaev 2012 jyly «Erligi úshin» medalimen marapattalǵan bolatyn. Sol jyly oblystyq «Jastardyń Altyn kitabyna» esimi engizildi. Mundaı bıik baǵa Berikke óziniń áriptesteri Erik Qoıanbaev, Erlan Jasádilmen birge úsh qyzdy sýdan qutqarǵany úshin berilgen bolatyn. Polıseı qazir Astana qalasyndaǵy onkologııalyq klınıkada emdelip júr. Ol eki uly, áıelimen qart ata-anasymen birge turady, óziniń baspanasy joq.
«Biz ómirdiń qıyn sátterinde polıseıler men olardyń otbasyn qıyn jaǵdaıda qaldyrmaımyz. Kóp jylǵy dástúr boıynsha qyzmettik tapsyrma kezinde mert bolǵan polıseılerdiń otbasyna, ardagerlerge kómek berip otyramyz. Bul bizdiń paryzymyz», dedi Mereke Algshaǵyrov.
Polıseıdiń ákesi Meıram Keńesbaev kásipker Igor Romanovıch Kımge, Oblystyq ishki ister departamentiniń bastyǵy Beket Aımaǵambetovke jáne ishki ister organynyń jeke quramyna úlgili ulynyń eńbegin baǵalaǵany úshin alǵys aıtty.
Názıra Járimbetova,
«Egemen Qazaqstan»
QOSTANAI
