Aýa temperatýrasynyń tómendeýine baılanysty Astananyń sý qoımalary muzdyń jińishke qabatymen qaptalyp, turǵyndar muz ústinde turyp balyq aýlaı bastady.
Osyǵan oraı qutqarýshylar sý beti tolyq qatpaıynsha balyq aýlaýdan bas tartyp, qaýipsizdik sharalaryn saqtaýǵa shaqyrady.
Qazirgi kúni muzdyń qalyńdyǵy birneshe santımetrdi quraıdy. Muzdyń mundaı qabaty adamnyń salmaǵyn kótere almaı sony qaıǵyly jaǵdaıǵa ákelýi múmkin.
Qalalyq TJD boıynsha departamenti qaıǵyly jaǵdaıdyń aldyn alý úshin balyqshylardy muz ústinde turyp balyq aýlaýdan bas tartýǵa jáne qala turǵyndary men qonaqtaryn ózendi muz ústimen júrip ótpeýge shaqyrady.
