«Biz bilim salasynda, ıntellektýaldy ult qalyptastyrýda damý ústinde ekeninimizdi kórsetýimiz kerek. Adamı damý ındeksiniń reıtınginde Qazaqstan 56-orynda keledi. Bul damýdyń joǵary satysyndaǵy elder qataryndamyz degen sóz. Oǵan jas urpaqtyń da úlesi mol. Bizde óziniń jetistikterimen oblys dańqyn asyryp júrgen jastar bar. Balalar tabysy – olardyń ustazdarynyń eńbegi, jetistigi dep bilemiz», dedi saltanatty jıynda sóz sóılegen oblys ákimi Arhımed Muhambetov.
Birneshe jyl qatarynan Qostanaı oblysynyń olımpıadalyq komandasy elimizde kósh bastap júr. Bıyl oqýshylar respýblıkalyq olımpıadalardan 24 medal alyp keldi. Al osydan 4 jyl buryn júldeli orynnyń sany jeteý ǵana bolatyn. Sabaqta, ónerde, sportta jetistikke jetip júrgen mektep oqýshylary sóz aldy. Mysaly, qazaq-túrik lıseıiniń 11 synyp oqýshysy Varıs Ýrazbahten bıyl hımııa páni boıynsha respýblıkalyq olımpıadada kúmis júldege ıe boldy.
«Men 7-synyptan bastap hımııa páni boıynsha jarystarǵa qatysyp kelemin. Respýblıkalyq olımpıadalarda básekelester kóp, oza shabý ońaı emes», deıdi Varıs.
Saltanatty jıynda oblys ákimine oqýshylar kóptegen suraqtar qoıdy. Mysaly, gir sportynan qyzdar arasynda oblystaǵy jalǵyz sport sheberi Iаna Lıtvınova óńir basshysynan: «aýyldaǵy sportshy balalar úshin sport mektep-ınternaty bola ma?» dep surady.
«О́te jaqsy suraq. Rasynda bizde sportshylarǵa arnalǵan mektep-ınternat joq. Biz ony memlekettik-jekemenshik áriptestigi deńgeıinde qarastyratyn bolamyz. Bıyl kásipker Mahmut Tursynov kúshtilik sport túrleri akademııasyn salsa, keler jyly oblysta 50 metrlik basseın paıda bolmaq. 3000 oryndyq muz saraıyn salýdy josparlap otyrmyz. Sport ǵımarattaryn salý bar da, oǵan balalardyń qoljetimdiligin qamtamasyz etý bar. Qoljetimdilik sporttyń buqaralyǵyn jasaıdy», dedi oblys basshysy.
Arhımed oqýshylardyń saýaldaryna oraı tabysqa jetýdiń basty kepili eńbek ekenin aıtty. Trıýmf syılyǵy tapsyrylyp bolǵannan keıin oqýshylar men ustazdar eskertkish retinde sýretke tústi.
Názıra JÁRIMBET,
«Egemen Qazaqstan»
Qostanaı
