«Úkimet ınvestısııalyq ahýal kóp jaǵdaıda jergilikti jerlerdegi bılik organdarynyń is-áreketine baılanysty ekendigin túsinedi. Sondyqtan da biz bıyl sýbulttyq reıtıng dep atalatyn bıznes júrgizýdiń jeńildigi boıynsha óńirlerdi baǵalaýdyń jańa reıtıngin engizdik. Erteń Memleket basshysy atalǵan sýbulttyq reıtıng aıasynda birinshi oryn alǵan ákimge júlde tabystaıdy», dedi Baqytjan Saǵyntaev.
Sonymen qatar ol ınvestısııa úshin álemdik báseke artyp otyrǵan zamanda árbir ınvestor úshin kúresý qajettigin basa aıtty.
«Biz oǵan daıynbyz. Búgin Qazaqstan Úkimeti ınvestorlar úshin barynsha qolaıly jaǵdaı jasaý saıasatynan óziniń taımaıtyndyǵyn málimdeıdi», - dedi Úkimet basshysy.
