Turaqty keńes otyrysyna Halyqaralyq túrki mádenıeti uıymynyń Bas hatshysy Dúısen Qaseıinov, Ońtústik Qazaqstan oblysynyń ákimi Janseıit Túımebaev, QR Mádenıet jáne sport mınıstri Arystanbek Muhamedıuly, Túrkııa Respýblıkasynyń Mádenıet jáne týrızm mınıstri Nýman Kýrtýlmýsh, Qyrǵyz Respýblıkasynyń Mádenıet, aqparat jáne týrızm mınıstri Sultanbek Jumaǵulov jáne TÚRKSOI múshe elderdiń mádenıet mınıstrlikteriniń ókilderi, mádenıet qaıratkerleri men túrki keńesi, túrkitildes memleketteriniń parlamenttik Assambleıasy, halyqaralyq túrki akademııasy, túrki mádenı mıras qory sekildi halyqaralyq uıymdardyń ókilderi qatysty.
Keńes otyrysyn ashyp, júrgizip otyrǵan QR Mádenıet jáne sport mınıstri Arystanbek Muhamedıuly túbi bir túrki halyqtarynyń birligi men yntymaǵy odan ári nyǵaıa beretinin aıtyp, Túrkistan túrki áleminiń astanasy aıasynda ótken sharalarǵa atsalysqan barsha túrki halqyna alǵys aıtty. Al, Halyqaralyq túrki mádenıeti uıymynyń Bas hatshysy Dúısen Qaseıinov Túrkistanda jyl aıasynda ótken is-sharalardy joǵary deńgeıde uıymdastyryp, ótkizgeni úshin oblys ákimine alǵysyn bildirdi.
Basqosýda túrki elderiniń Mádenıet mınıstrleri túbi bir baýyrlardyń mádenı-rýhanı baılanysyn nyǵaıtý jolynda ıgilikti isterdiń kóptep ótýine basymdyq berilý qajettigin kóterip, rýhanı qalada ótken mádenı sharalar boıynsha óz pikirlerin bildirdi.
Jıynda sóz alǵan oblys ákimi J.Túımebaev túrki mádenıetin álemge tanytatyn halyqaralyq deńgeıdegi turaqty keńestiń mańyzdylyǵyna toqtalyp, túrki áleminiń astanasy mártebesi buıyrǵan – ejelgi Túrkistan qalasyna qosh keldińizder,- dedi.
«Túrki halyqtary jahandaný zamanynda alpaýyt elderge jutylyp ketpeı, ulttyq kodyn, ózindik erekshelikterin, mádenıeti, rýhanııaty men memlekettiligin saqtap qalý úshin ózara yntymaqtastyǵyn nyǵaıtyp, birligin bekemdeı túsýi kerek. Osyny eskersek, «Túrkistan – Túrki áleminiń mádenı astanasy» jyly Elbasynyń rýhanı jańǵyrý jónindegi bastamasymen úılesip, Máńgilik El murattarymen úndesip jatyr. Biz osynaý mańyzdy sharany barynsha joǵary deńgeıde ótkizýge bar kúsh-jigerimiz ben ynta-yqylasymyzdy saldyq. Osy mártebeli mindetti joǵary deńgeıde atqarý maqsatynda TÚRKSOI halyqaralyq uıymy, Qazaqstan Respýblıkasynyń Mádenıet jáne sport mınıstrligi, Ońtústik Qazaqstan oblysynyń ákimdigi tarapynan josparly da júıeli jumystar júrgizildi»,-dedi oblys ákimi.
Budan bólek, aımaq basshysy Túrki áleminiń 2017 jylǵy mádenı astanasy aıasynda Túrkistan men Shymkent qalalarynda uly dalany dúbirge bólegen, túrki tutastyǵyn tereńdete túsetin máni men mazmuny astasqan aýqymdy 40-tan astam shara uıymdastyrylǵanyn atap ótti. Sondaı-aq, ákim 2020 jyly Shymkent qalasy TMD elderiniń madenı astanasy bolyp jarııalanǵanyn aıtyp, barsha túrki halqyn atalmysh is-sharanyń qadirli qonaǵy bolýǵa shaqyrdy.
Halyqaralyq uıymyna múshe Mádenıet mınıstrleriniń dástúrli kezdesýinde TÚRKSOI-dyń ótken jylǵy atqarǵan esebi tyńdalyp, 2017 jyly Túrki halyqtarynyń mádenı-rýhanı baılanystaryn nyǵaıtý jolynda atqarylǵan sharalar talqylandy. Sonymen birge, uıymnyń aldaǵy jylǵa arnalǵan jospary maquldandy. Alqaly jıyn nátıjesinde qatysýshylar TÚRKSOI turaqty Keńesiniń HHHV otyrysynyń Deklarasııasy men jumys hattamasyn qabyldap, qol qoıdy.
Sonymen qatar, Keńes otyrysyna qatysýshy túrki elderinen kelgen qonaqtar qolóner ortalyǵyndaǵy «TÚRKSOI» beıneleý óneri kórmesin tamashalap, onda sýretshiler kezdesýiniń jeńimpazyna TÚRKSOI arnaıy syılyǵyn tapsyrady.
