Qurmetti hanymdar men myrzalar!
Barshańyzdy Qazaqstan ekonomıkasynyń ınvestısııalyq kókjıegine arnalǵan birinshi halyqaralyq dóńgelek ústel basynda kórgenime qýanyshtymyn.
Bizdiń shaqyrýymyzǵa kelisimin berip, ún qatqan 100-den astam halyqaralyq kompanııalarǵa, qarjylyq uıymdarǵa, elshilikterge, úkimettik emes uıymdarǵa, sheteldik BAQ-qa shynaıy rızashylyǵymyzdy bildiremiz.
Qazaqstan Úkimeti sizderdiń keleli usynystaryńyz ben jańa ıdeıalaryńyz úshin qashan da ashyq. Sondyqtan, búgin osy jerde meniń áriptesterim – mınıstrler, memlekettik jáne jeke sektorlardyń ókilderi, elimizdiń jetekshi kásipkerleri kúni boıy sizdermen birge jumys isteıtin bolady.
Mundaı suhbat sizderdiń ınvestısııalyq usynystaryńyz ben Qazaqstandaǵy iskerlik perspektıvalaryńyz boıynsha pikir almasýǵa múmkindik beredi. Jáne biz sizderge usynylyp otyrǵan Kazakhstan International Business and Investment Dialog formaty turaqty bolatynyna úmittenemiz.
***
Úkimettiń basty maqsaty – Qazaqstanǵa «jańa býynnyń» ınvestısııalaryn tartý prosesin yntalandyrýdyń aýqymdy ári ornyqty strategııasyn qalyptastyrý.
Biz búgingi kezdesýdi osy baǵyttaǵy mańyzdy qadamdardyń biri retinde baǵalaımyz.
Qazaqstan nelikten ınvestısııalar úshin tartymdy bolýda?
Investorlar Qazaqstanda ózderiniń bıznesterin damyta otyryp, qandaı paıda men múmkindikterge ıe bolady?
Birinshiden, álemdik ózgeristermen baılanysty bolǵan 2014-2016 jyldardaǵy qıynshylyqtardan soń el ekonomıkasy turaqtala bastady.
Qabyldanǵan is-sharalardyń nátıjesinde 2017 jyldyń 10 aıyndaǵy JIО́ ósimi 4% qurady. Jekemenshik ınvestısııalar men halyqtyń tutynýshylyq belsendiligi qalypqa kelýde.
Sóıtip, elimizdiń álemdik shynaıylyqqa beıimdelýi oryn aldy. Biz ekonomıkalyq ósim jolyna shyqtyq.
Ekinshiden, bizdiń memleketimiz óziniń damýynyń jańa kezeńine aıaq basty.
2017 jyldyń basynan bastap el Prezıdenti Qazaqstandy Úshinshi jańǵyrtý baǵytyn jarııalady. Onyń maqsaty – «Qazaqstan-2050» Strategııasyn, Prezıdent Nursultan Nazarbaevtyń bes ınstıtýttyq reformasyn iske asyrý jáne jańa jaǵdaıda elimizdi álemniń eń damyǵan 30 memleketiniń qataryna qaraı odan ári ilgeriletý.
Úsh baǵytta aýqymdy jumys óris aldy: saıası demokratızasııalaý (konstıtýsııalyq reforma júrgizildi), qoǵamdyq oı-sanany jańǵyrtý jáne adamı kapıtal sapasyn arttyrý, ekonomıkalyq ósimniń jańa modelin qurý, jekeshelendirý men qaıta retteý esebinen ekonomıkadaǵy memlekettiń rólin qysqartý, jeke sektordy yntalandyrý, tehnologııalyq jańǵyrtý jáne sıfrlandyrý, jahandyq básekege qabilettilikti arttyrý.
Úkimet áleýmettik-ekonomıkalyq saıasattyń barlyq negizgi baǵyttary boıynsha jan-jaqty jol kartasyn qamtıtyn 2025 jylǵa deıingi is-qımyldyń Strategııalyq josparyn qabyldady. Ol Memleket basshysynyń qaraýynda.
О́zgerister men paıda bolatyn qaýip-qaterlerdi tıimdi basqarý úshin jobalyq basqarý júıesi engizildi.
Basymdyqta — ekonomıkanyń 8 bazalyq salasy jáne jumystyń mynadaı týra baǵyttary bar:
ekonomıkanyń perspektıvalyq sektorlarynda jańa jumys oryndaryn qurý;
jappaı kásipkerlikti damytý;
tehnologııalyq qaıta jaraqtandyrý jáne sıfrlandyrý.
Qazir jobalyq menedjment elimizdiń óńirleri deńgeıinde engizilýde.
Osylaısha, biz aýqymdy daıyndyq jumystaryn júrgizdik, ne isteý jáne qalaı isteý qajettigin bilemiz.
Úshinshiden, Qazaqstannyń úshinshi jańǵyrýy aıasynda kólemdi ınvestısııalar salý kózdelgen agroónerkásip keshenin jáne ekonomıkanyń negizgi salalaryn jańartý, zamanaýı ǵylymdy qajetsinetin óndiristi damytý boıynsha bizdiń saıasatymyz ınvestorlarǵa úlken múmkindikter ashady.
Biz ekonomıkany ártaraptandyrýdy jalǵastyryp, ınvestorlardy metallýrgııa, munaı óńdeý, hımııa jáne mashına jasaý salasyna shaqyramyz.
Qazaqstan mys, altyn, sırek kezdesetin jáne sırekjerlik metaldar, onyń ishinde lıtıı, vanadıı, fosfat shıkizaty jáne t. b. óndirisin shyǵarý jáne damytý jónindegi kóptegen jobalarǵa ıe.
О́ńdeý ónerkásibin odan ári damytý úshin biz geologııalyq barlaýǵa, shıkizatty baıytýǵa jáne óńdeýge arnalǵan jańa tehnologııalardy ınvestısııalaýǵa múddelimiz.
Biz agroónerkásip keshenin aýqymdy jańǵyrtýdy bastadyq. Qazaqstan bıdaı unyn shyǵarý boıynsha álemdik kóshbasshylardyń biri. Biz bul artyqshylyqty odan ári nyǵaıtamyz, degenmen agrarlyq sektordy qurylymdyq reformalaý jumystaryn júzege asyryp, naryq suranysyna sáıkes egistik alqaptaryn ártaraptandyrý jumystaryn júrgizip jatyrmyz.
Tyńaıtqyshtar, bıoqospalar jáne suryptaý salasyndaǵy jańa ázirlemelerdi engizýdi qosa alǵanda, barlyq salany ǵylymı-tehnıkalyq jáne tehnologııalyq qaıta jaraqtandyrý sharalary qolǵa alyndy.
Munyń bári azyq-túlik ónerkásibine ınvestısııa salýǵa úlken múmkindikter beredi.
Úkimettiń Qytaımen, basqa da kórshiles naryqtarmen saýda shekteýlerin alyp tastaý boıynsha atqarǵan jumystarymen qatar, bul qarqyndy ári eksportqa baǵdarlanǵan agrobıznes sektoryn erekshe tartymdy etedi.
Ásirese Qytaımen úlken jumys júrgizildi. Eki el arasyndaǵy barlyq derlik negizgi saýda kedergileri retteldi. Shamamen ótken aptada Qytaıdyń Memlekettiń keńesiniń Premeri Lı Kesıanmen Sochı qalasynda kezdesý ótti, onda biz qalǵan saýda kedergileri 2018 jyly tolyqtaı retke keltiriledi dep kelistik. Osylaısha, óte aýqymdy naryq ashylady jáne de búgin Qazaqstanda shyǵarylatyn ónim — aýyl sharýashylyǵy, organıkalyq ónimder Qytaıda joǵary suranysqa ıe.
Tórtinshiden, Qazaqstan búginde ınfraqurylymdy, logıstıkany, kólikti jáne olarmen baılanysty qyzmetterdi damytý úshin ınvestısııalyq tartymdy el bolyp otyr.
Sońǵy úsh jylda biz aýqymdy ınfraqurylymdyq qurylys júrgizip, mańyzdy álemdik naryqtarǵa shyǵý úshin qysqa ári únemdi kóliktik-logıstıkalyq «jol» jasadyq.
«Batys Eýropa — Batys Qytaı» halyqaralyq tranzıt dáliziniń qazaqstandyq ýchaskesiniń shamamen 3 myń shaqyrymynda qurylys aıaqtaldy, bul Qytaıdaǵy Lıanıýngan portynan Reseıdiń Sankt-Peterbýrg portyna júk tasymaldaý ýaqytyn 10 kúnge deıin qysqartady.
Ortalyq Azııa elderin Parsy shyǵanaǵy men Irannyń ońtústigindegi Bandar-Abbas portymen baılanystyratyn «Qazaqstan — Túrkimenstan — Iran» jańa temirjol dálizi salyndy.
Biz Qytaımen shekarada «Qorǵas — Shyǵys qaqpasy» qurǵaq portyn saldyq. Bul Qazaqstandaǵy tuńǵysh jer betindegi port jáne Ortalyq Azııadaǵy eń iri logıstıkalyq park.
Elimizdiń batysynda Kaspıı teńizindegi Aqtaý porty keńeıtildi. Jańa parom keshenderi júıesi bar Quryq jańa porty salyndy. Mundaı qadamdar qazaqstandyq porttardyń júkteme qýatyn jylyna 25 mln tonnaǵa deıin arttyrady.
Munyń bári ınfraqurylymdyq shekteýlerdi alyp tastaıdy, soltústikten ońtústikke qaraı jáne shyǵystan batysqa qaraı júk tasymaldaý ýaqytyn qysqartady, bul bıznes úshin óte tıimdi!
Bizdiń strategııalyq maqsatymyz — Qazaqstandy Ortalyq Azııanyń iri kóliktik-logıstıkalyq haby etý.
Úkimet aldaǵy eki-úsh jylda (2020 jylǵa qaraı) tranzıttik tasymaldardy 2 mln konteınerge deıin ulǵaıtyp, tranzıtten $5 mlrd deıin paıda tabýdy josparlap otyr.
Qazaqstannyń barlyq kóliktik-logıstıkalyq ınfraqurylymy jáne «Nurly jol» memlekettik baǵdarlamasy «Bir beldeý jáne bir jol» jáne «Jibek jolynyń ekonomıkalyq beldeýin» qurý boıynsha Qytaıdyń mega jobalarymen túıindes.
Biz ınvestorlardy kólik jáne logıstıka salasyna ınvestısııa salyp, bizben birge ósip, qarjylaı paıda tabýǵa shaqyramyz!
Besinshiden, elimizde ınnovasııalyq-ındýstrııalyq damýdyń ekinshi besjyldyǵy júrgizilip jatyr. Qazaqstannyń ónerkásiptik kásiporyndary aldyńǵy qatarly tehnologııalardy, Indýstrııa 4.0 elementterin engizýge, óndiristi avtomattandyrýǵa jáne robottandyrýǵa múmkindik alyp otyr.
Bıyl nemis seriktester — Fraýngofer atyndaǵy Qoldanbaly zertteýler ınstıtýtymen bilesip, biz óńdeý jáne taý-ken sektorlarynyń 500 kásipornynyń osyndaı jańǵyrtýǵa ázirligin baǵaladyq, jáne ekonomıkanyń negizgi salalaryn tehnologııalyq jańartyp, sıfrlandyrýdyń jol kartasyn daıyndadyq.
Kúni keshe Úkimet otyrysynda biz «Sıfrlyq Qazaqstan» memlekettik baǵdarlamasyn qabyldadyq, ol Elbasynyń qaraýyna jiberildi. Qyrkúıekte el mamandarynyń qatysýymen úlken tanystyrylym ótti.
Altynshydan, Qazaqstanǵa ınvestısııa salý arqyly sizder qandaı naryqqa ıe bolasyzdar. Eýropa men Azııa arasyndaǵy jer ústi saýda "kópiriniń" ortalyǵynda ornalasýynyń arqasynda, sondaı-aq bizdiń tatý kórshilik saıasatymyzǵa jáne saýdadaǵa kedergilerdi azaıtýyna baılanysty Qazaqstanǵa eń iri — EAEO, Reseı, Qytaı, Ortalyq Azııa naryqtary ashyq.
Bizdiń ınvestorlarymyzǵa Eýrazııalyq ekonomıkalyq odaq aıasyndaǵy ıntegrasııalyq prosester eleýli perspektıvalar ashýda.
Barlyq syrtqy ekonomıkalyq baǵyttar boıynsha saýda-sattyqty damytý úshin kedendik jáne sertıfıkattaý kedergilerin tómendetý boıynsha turaqty jumystar júrgizilýde.
Jetinshiden, biz ınvestorlarǵa múldem jańa tetik — Astana halyqaralyq qarjy ortalyǵyn usynamyz. Búgin biz oǵan jeke paneldik sessııa arnadyq.
Onyń basty maqsaty — ınnovasııalyq qyzmetti yntalandyrý jáne ınvestısııalar tartý úshin jaǵdaı jasaý.
Biz qarjy ortalyǵyn halyqaralyq bırjalarmen birlesýdiń zamanaýı qarjy quraly retinde qurdyq. Onyń qatysýshylary úshin jeńildetilgen salyqtyq, vızalyq jáne eńbek rejımderi usynylady.
AHQO sot isin aǵylshyn tilinde júrgizý arqyly brıtandyq quqyqtyń qaǵıdalary men normalaryna sáıkes jumys isteıtin bolady. Týyndaıtyn daýlardy sheshý úshin onyń aýmaǵynda Halyqaralyq arbıtraj ortalyǵy jumys isteıtin bolady.
2018 jylǵy 1 qańtardan bastap, osy Arbıtraj ortalyǵynyń ashyqtyǵy eksaýmaqtylyq qaǵıdasy boıynsha jumys isteıtini óte mańyzdy. Kez kelgen ınvestor óz jobasynyń el aýmaǵynyń qaı jerinde iske asyrylýyna qaramastan, sonda júgine alady.
Mundaı qarjy qyzmetterin álemniń sanaýly elderi ǵana usyna alady!
Segizinshiden, Qazaqstanda qazir júrgizilip jatqan jekeshelendirýdiń ekinshi aýqymdy «tolqyny» ınvestorlar úshin úlken múmkindikter beredi.
Úkimet ekonomıkany memleket ıeliginen alý saıasatyn júrgizip jatyr. 900-ge jýyq kompanııa (902) básekeles ortaǵa beriledi.
Memlekettik menshik pen kvazımemlekettik sektordyń (ulttyq holdıngterdiń 57 kompanııasy) 65 úzdik kompanııasy eń tartymdylary bolyp sanalady.
Sizdi jekeshelendirýge qatysýǵa shaqyramyn.
Men qazir ınvestorlar úshin eń tıimdi sát keldi dep oılaımyn.
Atalǵan taqyrypqa da jeke sessııa arnadyq.
***
Qurmetti hanymdar men myrzalar!
Biraz ýaqyttan keıin mamandandyrylǵan «dóńgelek ústelder» men brıfıngter ótkiziledi, onda sizderdi qyzyqtyratyn suraqtar boıynsha Qazaqstan Úkimetiniń múshelerimen tolyǵyraq áńgimelesýge bolady.
Biz usynatyn sharalar men jobalar halyqaralyq bıznes qaýymdastyqqa qyzyǵýshylyq pen paıda ákeletinine senimdimin.
Bizdiń barlyq josparlarymyzdy tabysty júzege asyrý úshin jańa ınvestısııalar aǵyny qajet.
Bul máseleni sheshýdiń negizi bar.
Qazaqstan búginde PriceWaterhouseCoopers (PWC) jáne Dúnıejúzilik banktiń esebine sáıkes 189 eldiń ishinde salyq ahýalynyń qolaılylyq deńgeıi boıynsha 18-shi orynǵa ıe.
Sondaı-aq, Qazaqstan Dúnıejúzilik banktiń Doing Business reıtıngisinde álemniń 190 eli arasynda 36-orynǵa ıe. Biz reıtıngtiń barlyq 10 ındıkatory boıynsha jaqsy kórsetkisherge qol jetkizdik. «Mınorıtarlyq ınvestorlardy qorǵaý» ındıkatory boıynsha biz birinshi oryndy ıemdenemiz. «Kelisimsharttardy oryndaý» kórsetkishi boıynsha – altynshy oryn.
Biz aldymyzǵa Doing Business reıtıngisinde jaqyn arada 20-lyqtyń qatarynan oryn alý týraly maqsat qoıdyq.
Osy maqsatta biz 2018 jyly ulttyq jáne sýbulttyq deńgeılerde bıznes júrgizý jaǵdaılaryn jaqsartý úshin jańa, jetinshi zańnamalyq túzetýler paketin daıyndaımyz.
Sonymen birge, biz ınvestısııa úshin jahandyq básekelestik kúsheıip turǵan jaǵdaıda, ár ınvestor úshin belsendi túrde kúresýden basqa tańdaý joq ekenin túsinemiz.
Ári biz soǵan daıynbyz!
Búginde Qazaqstan Úkimeti ınvestorlar úshin barynsha qolaıly jaǵdaı jasaý saıasatyn ustanatynyn málimdeıdi!
Eger siz Úkimettiń ınvestısııalyq ahýaldy jaqsartý úshin ne istegenin surasańyz, men naqty sheshimder bar ekenin jáne olarǵa súıene alatynyńyzdy nyq senimmen aıta alamyn!
Mańyzdylaryna toqtalyp óteıin.
Investısııalar aǵynyn yntalandyrý úshin biz jańa ulttyq ınvestısııalyq strategııany ázirledik jáne ony iske asyrýdy qolǵa aldyq. Ony ázirleýge Dúnıejúzilik bank mamandary men basqa da halyqaralyq sarapshylar qatysty.
Sheteldik jáne aımaqtyq qurylymdar jelisimen «Kazakh Invest» ınvestısııa tartýdyń ulttyq kompanııasy quryldy. Ol Úkimet atynan sheteldik ınvestorlarmen «biryńǵaı kelissóz júrgizýshi» retinde áreket etedi.
Budan ózge, mańyzdy elderde Qazaqstan elshilikterinde elshilerdiń ınvestısııalar jónindegi keńesshileri taǵaıyndalady. Olardyń barlyǵy sizge qoljetimdi bolady!
Sondaı-aq, eksport ónimderin óndirýshilerdi qoldaý úshin kedergilerdi joıýǵa, syrtqy jáne ishki ınfraqurylymdy damytýǵa baǵyttalǵan arnaıy eksporttyq strategııa ázirlendi. Munda sizdiń áriptesińiz «Kazakh Export» jańa ulttyq kompanııasy bolady.
Biz eki mańyzdy baǵytta kásipkerlik jáne ınvestısııalar salasyndaǵy zańnamany túbegeıli ózgerttik.
Birinshisi — bıznestiń shyǵyndaryn jan-jaqty tómendetý jáne eń aldymen energetıka, kólik, logıstıka jáne turǵyn úı-kommýnaldyq sharýashylyǵy salasyndaǵy qaıta retteý reformasy. Shaǵyn jáne orta bıznesti tekserýge qoıylatyn talaptardy shamamen 60%-ǵa derlik azaıttyq. Lısenzııalar men ruqsattar sany 3 eseden astamǵa qysqartyldy. Salyq organdarynyń josparly tekserýleri 40%-ǵa qysqartyldy.
Ekinshi baǵyt — bul bıýrokratııany tómendetý jáne E-government veb-portaly arqyly elektrondy túrdegi memlekettik qyzmetterdi arttyrý.
Úkimet jańa Salyq kodeksiniń jobasyn ázirlep, Parlamentke usyndy, onyń ıdeologııasy salyq tóleýshilerdiń múddelerin qorǵaýǵa jáne jer qoınaýyn paıdalanýshylardy yntalandyrýǵa baǵyttalǵan. Barlyq belgisizdikter men qatelikter salyq tóleýshilerdiń paıdasyna túsindiriledi.
Budan ózge, jer qoınaýy jáne jer qoınaýyn paıdalaný týraly jańa kodeks ázirlendi, ol «kim birinshi keldi, sol aldy» qaǵıdasyna negizdelgen. Ol qorlardy esepteıtin jáne geologııalyq aqparatqa erkin ashyqtyqty qamtamasyz etetin halyqaralyq júıeni engizedi. Qabyldanǵan sharalar qatty paıdaly qazbalarǵa 18 aıdan 10 kúnge deıin jer qoınaýyn paıdalaný quqyǵyn berý ýaqytyn qysqartýǵa múmkindik beredi.
Sonymen qatar kásipkerlikti damytýǵa aıtarlyqtaı serpin beretin jańa Keden kodeksi daıyndaldy. Basymdyq deklarasııany elektrondy túrde berýge qoıylady. Sonyń nátıjesinde taýarlardy shyǵarý ýaqyty alty esege, 4 saǵatqa deıin azaıady.
Erkin ekonomıkalyq jáne ındýstrıaldy aımaqtardy retteýdi jaqsartatyn zań jobasy ázirlendi.
Investısııalar úshin mańyzdy barlyq osy zańdar Məjiliste talqylandy, jáne Senatta qaralǵannan keıin kóp uzamaı barlyq 4 zań jobasy Memleket basshysynyń qol qoıýyna usynylady. Biz olar 2018 jyldan bastap kúshine enedi dep josparlap otyrmyz.
Úkimet ınvestısııalyq ahýal kóptegen jaǵdaıda jergilikti bılik organdarynyń áreketterine baılanysty ekenin túsinedi. Sondyqtan da biz bıyldan bastap bıznesti júrgizýdiń qolaılyǵy boıynsha óńirlerdi baǵalaıtyn jańa reıtıng engizdik, ol sýbulttyq reıtıng dep atalady. Erteń Elbasy premııalardy tabystaıdy.
Negizgi nazar ınvestorlardyń quqyqtaryn qorǵaýdy kúsheıtýge, ónerkásiptik nysandarǵa jer telimin berý tártibindegi ashyqtyqty qamtamasyz etýge baǵyttalatyn bolady.
Biz sheteldik jumys kúshin tartýǵa qatysty ádis-tásilderimizdi yryqtandyrdyq. Bul mańyzdy másele. Biz Táýelsizdik jyldarynda jalpy jumys kúshin daıarlaý máselesin sheshtik.
Alaıda, Qazaqstannyń úshinshi jańǵyrýy aıasynda sheshilýi tıis mindetter joǵary tehnologııalyq óndiriste jumys isteýge qabiletti ári eń ozyq daǵdylardy ıgergen, «jańa býyn» kásipteri boıynsha joǵary bilikti mamandardy talap etedi.
Sol sebepti de biz sheteldik jumys kúshin tartý joldaryn jeńildetip jatyrmyz. Qazirdiń ózinde 60-tan astam eldiń azamattary Qazaqstanǵa vızasyz rejımde kele alady.
Memlekettik tildi bilý, mamandardy jergilikti qamtý, naqty sheteldik zańdy tulǵadaǵy jumys tájirıbesi boıynsha talaptar jeńildetilgen.
Barlyq ınvestorlardy alańdatyp otyrǵan úlken másele — memlekettik-jekeshelik áriptestik. Biz jobalardy josparlaýdyń barlyq rásimderin jeńildettik.
Bilim berý, densaýlyq saqtaý, sport, turǵyn úı sharýashylyǵy, aýyl sharýashylyǵy, qorshaǵan ortany qorǵaý, energetıka jáne kólik salalarynda tıptik konkýrstyq qujattardy bekittik.
Biz sondaı-aq kelisimsharttar jobalarynyń saraptamasyn jáne konkýrstyq rásimderdi ońtaılandyrdyq. Tutyný kepildigin úsh jáne odan da kóp jylǵa deıin arttyrdyq.
Aqparattaný deńgeıi men tájirıbe almasýdy arttyrý úshin MJÁ tabysty iske asyrylǵan jobalarynyń biryńǵaı bazasyn qurdyq. Endi ol sizderge qoljetimdi.
Aıta ketý kerek, búginde bizdiń ınvestısııalyq forým jumysy aıasynda Úlken Almaty aınalma joly jobasy boıynsha memorandýmǵa qol qoıylady.
Men túrik jáne koreı seriktesterin quttyqtaǵym keledi. Prosess bastaý aldy! Bul jańartylǵan MJÁ tetigi aıasyndaǵy alǵashqy "joba" jáne barlyq ınvestorlar úshin jaqsy belgi deýge bolady.
Qurmetti hanymdar men myrzalar!
Qazaqstan Úkimeti árqashan da ınvestorlarmen jumys isteýdiń halyqaralyq qaǵıdalary men standarttaryn ustanyp keldi, aldaǵy ýaqytta ustana beredi de.
Bizdiń jumysymyzdyń basty baǵyty — jeke menshikke, zań ústemdigine beriktikti qamtamasyz etý. 2018 jyldan bastap biz aǵylshyn quqyq normalary boıynsha múmkin bolatyn daýlardy sheshýdi qamtamasyz etemiz.
Qazaqstan ashyq el bolǵan jáne osylaı qalady da. Biz EYDU Investısııalar jónindegi komıtetine qosyldyq.
Búgin men Úkimettiń bıznes úshin tıimdi, jaqsy jaǵdaı jasaý týraly syndarly sheshimin atap ótkim keledi.
Birinshiden, ınvestorlarǵa usynylatyn konsýltasııalyq qyzmetterdi kúsheıtemiz. Memlekettik jáne jergilikti atqarýshy organdarǵa jibergen árbir suraǵyńyzǵa jaýap on jumys kúni ishinde aǵylshyn tilinde beriledi.
Buny ortalyq jáne jergilikti memlekettik organdardyń birinshi basshylary jeke jaýapkershilikterine alady.
Ekinshiden, 2020 jyldan bastap sheteldik ınvestorlarǵa memlekettik qyzmetterdi aǵylshyn tilinde usynýǵa birtindep kóshemiz.
Halyqqa qyzmet kórsetý ortalyqtary, memlekettik klınıkalar, mektepter, mektepke deıingi bilim berý uıymdary, kóshi-qon jáne salyq qyzmetine aǵylshyn tilin biletin qyzmetkerler arnaıy jumysqa qabyldanatyn bolady.
Úshinshiden, ınvestorlar úshin barlyq negizgi normatıvtik jáne quqyqtyq aktiler, sondaı-aq, Ádilet mınıstrliginiń, Syrtqy ister mınıstrliginiń veb-saıttarynda jáne «Kazakh Invest» ulttyq kompanııasynyń saıtynda aǵylshyn tilinde jarııalanady.
Tórtinshiden, biz sheteldik ınvestorlarǵa, eń aldymen elektrondyq vızany engizý, shekaradan ótý, kóshi-qon esepteri men qaýipsizdik máseleleri prosesterine, elge kirýge jaqsy jaǵdaı jasaýdy jalǵastyramyz.
Barlyq osy tórt baǵyt boıynsha árbir ýákiletti organ qajetti jumysty jasaıdy.
Qurmetti dostar!
Búgingi is-shara tyǵyz yntymaqtastyqqa yqpal etip, iskerlik ortalar seriktestiginiń jańa múmkindikteri men perspektıvalaryn aıqyndaıdy dep senemin.
Biz ınvestorlarmen únemi dıalog ornatý arqyly túıitkildi máselelerdi dereý sheshýge daıynbyz. Joǵary deńgeıde Prezıdent Nursultan Nazarbaevtyń tóraǵalyq etýimen Sheteldik ınvestorlar keńesi strategııalyq máselelerdi sheshýmen aınalysady.
Úkimet deńgeıinde biz únemi Investısııalyq ahýaldy jaqsartý jónindegi keńestiń jáne Qazaqstannyń Eýropalyq bıznes qaýymdastyǵynyń jumysy arqyly turaqty dıalog júrgizemiz.
Sonymen qatar Sheteldik ınvestorlardyń quqyqtaryn qorǵaý jónindegi ınvestısııalyq ombýdsmen de qoljetimdi.
Qazaqstan Respýblıkasy ınvestorlar arasynda ózin senimdi iskerlik seriktes retinde dáleldedi.
Sońǵy 10 jylda ekonomıkanyń túrli sektorlaryna shamamen $250 mlrd tikeleı sheteldik ınvestısııa tartyldy.
Qazaqstanǵa kelip, jobalaryn osynda júzege asyryp jatqan árbir ınvestorǵa alǵysymyzdy bildiremiz. Olardyń mysaly men búgingi bizdiń áńgimemiz sizdi Qazaqstanda jańa iskerlik bıikterdi baǵyndyrýǵa shabyttandyrady degen senimdemiz!
