Osy rette, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamenti elektrondy túrde qyzmet alýdyń ashyqtyǵy men qoljetimdiligin qamtamasyz etý maqsatynda elektrondy túrde qyzmet alý tásilderi boıynsha eki tilde beınerolık ázirlep, «memkyzmet.kz» saıtynyń «egov.kz» aıdaryna ornalastyrdy.
Búginde elektrondy túrde kórsetilgen qyzmetter úlesiniń tómen bolýy, halyqtyń kompıýterlik saýattylyǵynyń tómendigi men qyzmetterdi elektrondy túrde alý tásilderin jetik meńgermeý saldarynan oryn alýda. Elektrondy qyzmet alý tásilderin meńgerýge septigin tıgizetin bul beınerolık, aldaǵy ýaqytta óz jemisin beredi dep senemiz deıdi departament mamandary.
Buǵan qosa, atalǵan beınerolık oblysymyzdaǵy 33 HQKO bólimderinde
2 aı kóleminde kórsetilip, barlyq memlekettik mekemelerdiń derbes jumys kompıýterlerine ornalastyryldy. Sonymen birge, OQO aımaqtyq oqytý ortalyǵy men joǵary oqý oryndarynda, kolledjder men mektepterde kórsetiletin bolady.
Atalǵan baǵyttaǵy jumystardyń oryndalýyn qamtamasyz etý úshin aǵymdaǵy jyldyń 9 qarashasynda oblys ákimdigi janyndaǵy sybaılas jemqorlyqqa qarsy kúres máseleleri jónindegi komıssııa otyrysynda oblys ákimi J.Túımebaev memlekettik organ basshylary men qyzmetkerlerdiń HQKO barmaı memlekettik qyzmetterdi «egov» portaly arqyly elektrondy túrde qyzmet alýdy tapsyrdy.
