Onda ǵylymdy, onyń ishinde bıologııa ǵylymyn damytýdyń keleshegi jáne ǵylym men ǵylymı-tehnıkalyq qyzmet salasyndaǵy zańnamany jetildirý máseleleri talqyǵa salyndy.
Depýtattar laboratorııa jumysymen tanysty jáne ǵalymdardyń densaýlyq saqtaý, aýyl sharýashylyǵy, ekologııa, azyq-túlik jáne óńdeý ónerkásibiniń ózekti máselelerin sheshýge baǵyttalǵan ǵylymı-tehnıkalyq qyzmetiniń nátıjeleri qoıylǵan kórmeni tamashalady. Ortalyqtyń ǵylymı jetistikteri genge dıagnoz jasaý, baǵanalyq jasýsha, regeneratıvti medısına, suryptaý jáne ósimdikterdiń genetıkalyq resýrstaryn saqtaý, veterınarııaǵa arnalǵan vaksınalar, bıologııalyq belsendi qospalar, azyqtyq preparattar men fermentter salalaryn qamtıdy.
Senattyń Áleýmettik-mádenı damý jáne ǵylym komıtetiniń tóraǵasy Birǵanym Áıtimova sharany asha kelip, álemniń eń damyǵan 30 memleketiniń qataryna kirý týraly Memleket basshysy N.Á. Nazarbaevtyń alǵa qoıǵan maqsaty qoǵamdy ǵylymı-tehnologııalyq jańǵyrtý men ınnovasııalyq tásilderdi engizýdi talap etip otyrǵanyn atap ótti.
«Bizge agrarlyq salany damytý, agrarlyq-ınnovasııalyq tájirıbelik klasterler qurý, qurǵaqshylyqqa tózimdi gendik turǵyda ózgertilgen daqyldardy ázirleý jumystaryn júzege asyrý qajet. Bul mindetter «jasyl» ekonomıkaǵa kóshý jónindegi tujyrymdamada belgilengen», - dep atap ótti B. Áıtimova.
Sondaı-aq jer júzindegi azyq-túlik áleýetiniń saqtalýyna, adamzattyń tirshilik etý ekologııasyna, adam densaýlyǵy men keleshegine, energetıkaǵa baılanysty eń mańyzdy máselelerdi sheshýde gendik ınjenerııa men bıotehnologııanyń ózekti máseleleri atalyp ótildi.
Otyrysta bilim jáne ǵylym mınıstriniń orynbasary Aslanbek Ámirın, bilim jáne ǵylym mınıstrligi ǵylym komıtetiniń tóraǵasy Bolatbek Ábdirasılov sóz sóıledi. «Ulttyq bıotehnologııa ortalyǵy» respýblıkalyq memlekettik kásipornynyń bas dırektory Erlan Ramanqulov, birqatar laboratorııalar men ǵylymı mekemelerdiń basshylary júrgizilgen ǵylymı zertteýlerdiń nátjeleri týraly parlamentshiler aldynda esep berdi.
Senatorlar Baqytjan Jumaǵulov pen Serik Bekturǵanov elimizdegi bıotehnologııalyq salanyń keleshegi týraly óz oılarymen bólisti.
Kóshpeli otyrystyń qorytyndysy boıynsha ázirlengen usynystar tıisti memlekettik organdarǵa jiberildi.
