5 qarasha kúni keshki saǵat 21.00-de Damba aýylyndaǵy Jaıyq ózeninde reıdtik is-sharalar kezinde Atyraý oblystyq orman sharýashylyǵy jáne janýarlar dúnıesi aýmaqtyq ınspeksııasy tabıǵatty qorǵaý prokýratýrasynyń bastamasymen qýaty 200 attyq kúshi bar «Amýr» motorly qaıyǵyn ustady.
Qaıyqta Qurmanǵazy aýylynyń eki turǵyny bolǵan. Quqyq buzýshylyq kezinde 667 kg qara balyq pen tyıym salynǵan quraldar – qytaı aýy tabyldy.
«Qazirgi ýaqytta quqyq buzýshylar ustalyp, balyq tárkilendi.Qazaqstan Respýblıkasynyń Qylmystyq kodeksiniń 335-baby «Balyq resýrstaryn, basqa sý janýarlaryn nemese ósimdikterdi zańsyz aýlaý» boıynsha aldyn ala tergeý bastaldy», dep habarlady Atyraý oblysynyń aýmaqtyq orman jáne janýarlar dúnıesi aýmaqtyq ınspeksııasynyń basshysy Danııar Baımaǵambetov.
