Telekópir kezinde onlaın rejıminde búkil el boıynsha jańa ındýstrııalyq-ınnovasııalyq, ınfraqurylymdyq, energetıkalyq, agroónerkásiptik jobalar iske qosylady.
«Qazaqaltyn Tehnolodjı» kompanııasy Aqsý aýylynda altyn óndirý fabrıkasyn iske qossa, Aqtóbe oblysynda mashına jasaý jáne metall óńdeý sektorynda munaı-gaz jabdyqtaryn óndirý jáne qubyrlar shyǵarýmen aınalysatyn «Qazaqstan munaı jabdyqtary zaýyty» JShS zaýyty ashylady. Atyraý oblysynda robotty dánekerleý ádisimen metall qurastyrmalary óndirisi jumysyn bastaıdy.
Tamaq ónerkásibi men aýylsharýashylyq ónimderin qaıta óńdeý boıynsha Soltústik Qazaqstan oblysyndaǵy «Maslodel» JShS «Tetra Pak» JShS joǵary tehnologııalyq qondyrǵylarmen jabdyqtalǵan sút zaýytyn ashady.
Jambyl oblysynda «Shaǵyn jáne orta bıznesti damytýdyń jańa sektorlary» baǵyty boıynsha «Orgstroı» JShS granıt, mármár jáne gıps óndirý, jarylǵysh qurylǵylardy óndirýdiń jańa tehnologııasyn óńdeý jónindegi óndiristik oryn ashylady.
Qaraǵandy oblysynda eski kólikterdi qaıta óńdeýmen aınalysatyn kásiporyn «Recycling Company» JShS jumys isteı bastamaq. Kásiporyn jylyna tozyǵy jetken avtokólikterdiń 50 myńyn qaıta óńdeýge qaýqarly.
Jalpyulttyq telekópir barysynda Eýropalyq avıasııalyq qaýipsizdik agenttiginiń standarttaryna sáıkes óz avıalaınerleri men basqa da áýe kompanııalarynyń ushaqtaryna tehnıkalyq qyzmet kórsetetin «Eır Astana» avıasııalyq tehnıkalyq ortalyǵy jumys isteı bastaıdy.
Jalpy jyl basynan beri elimizde 1,9 trıllıon teńgelik 127 joba iske qosylyp, 10 myńnan astam turaqty jumys orny ashyldy.
