«Sıfrlyq Qazaqstanda» ǵylymǵa úlken basymdyq berilip otyr. Osy oraıda negizgi eki ortalyqty atap ótken jón. Ol - Nazarbaev Ýnıversıteti men «Alataý» tehnoparki. Men Nazarbaev Ýnıversıtetiniń zerthanalaryn aralaǵanda biraz zertteýlerdi kórdim, nátıjesi de joq emes. Al «Alataý» ınnovasııalyq tehnologııalar parki ne istep jatyr? Shynymdy aıtsam, oǵan qolym jetpeı júr. Ony qurǵanymyzǵa biraz ýaqyt boldy. Qyrýar aqshany da jumsadyq. Alaıda nátıjesi kórinbeıdi. О́zderi ne istep jatyr? Úkimette otyrǵandar biletin shyǵar», - dedi Nursultan Nazarbaev Indýstrıalızasııa kúnine arnalǵan jalpyhalyqtyq kópir kezinde.
Osydan keıin Prezıdent Úkimet pen Almaty ákimine «Alataý» ınnovasııalyq tehnologııalar parkin jan-jaqty tekserýdi tapsyrdy. «Bizge naqty bir sheshimge kelý kerek. Ony jabamyz ba, joq álde, ary qaraı damytamyz ba? Sony sheship alý kerek», - dep atap kórsetti Memleket basshysy.
