Sondaı-aq, mindetti áleýmettik medısınalyq saqtandyrý júıesine azamattardyń óz erikterimen oblys kóleminde 1,6 mlrd teńge jarna túsken. Salymshylardyń basym bóligi memlekettik bıýdjetten qarjylandyratyn mekemelerden jáne kásiporyndardan túsip otyr.
Departament basshysynyń aıtýynsha, oblysta «Sıfrli Qazaqstan» memlekettik baǵdarlamasy aıasynda «Salyq jáne kedendik ákimshilendirýdi sıfrlandyrý» pılottyq jobasy iske asyrylýda.
«Jańa júıeniń engizilýi - tapsyratyn qujattardyń azaıýyna, ýaqytty únemdeýge úlken múmkindik beredi. Pılottyq jobanyń aıasynda «Astana-1» aqparattyq jańa júıesi qoldanysqa engizildi. Atalǵan júıe barlyq keden beketterine ornatylyp, búgingi tańda 6 myńǵa jýyq tranzıttik deklarasııa rásimdelgen», - dedi Altynsary Dúısenbekuly.
Sonymen qatar, oblys ortalyǵy Shymkent qalasynda ótken Qazaqstan-О́zbekstan delegasııasynyń ekijaqty kelisimine sáıkes, «Atameken» keden beketiniń «Syrdarıa» jáne «Selınnyı» ótkizý pýnktteri ashylyp otyr.
«Qazirgi tańda «Qazyǵurt», «Qaplanbek» jáne «Atameken» keden beketterin táýlik boıy jumys kestesine kóshirip, shekaradan ótetin taýarlar men kólik quraldaryn resimdeýdi jyldamdatýǵa qol jetkizip otyrmyz. Sondaı-aq, ótkizý pýnktteri arasyndaǵy joldar men kópirlerdi keńeıtip, jeke tulǵalarǵa shekaradan ótýge yńǵaıly jaǵdaı jasaıtyn bolamyz. Aıta keterligi, aǵymdaǵy jyldyń 9 aıynda Qazaqstan men О́zbekstan arasyndaǵy taýar aınalymy 554 mln. AQSh dollaryn qurady», - dedi Altynsary Dúısenbekuly.
Búgingi tańda oblystyq Memlekettik kirister departamenti salyq jáne basqa da tólemderdiń tolyq jáne ýaqytyly túsýin qamtamasyz etip qana qoımaı, bıznes ortany túbegeıli jaqsartyp, oǵan ońtaıly jaǵdaı jasaý baǵytynda birqatar jumystar atqaryp keledi.
