Jalpy quny 13,5 mln AQSh dollary bolatyn bul joba kásipkerlikti qoldaý kartasy aıasynda júzege asyryldy. О́nimniń 80 paıyzy ishki naryqqa, qalǵan 20 paıyzy eksportqa jiberiledi dep josparlanýda.
Qatty dári shyǵaratyn óndiris sehy zamanaýı qurylǵylarmen jabdyqtalǵan. Munda 72 adam jumyspen qamtylsa, olardyń basym bóligi arnaıy Polpharma tobynyń úzdik óndiris oryndarynda oqyp kelgen. Bul joba - Shymkenttegi ınvestısııalyq jobanyń mańyzdy bir bóligi bolyp tabylady.
Kompanııanyń bas dırektory Ijı Ýrbanes osymen tórtinshi sehtyń ashylyp otyrǵanyn jetkizdi.
«Biz jalpy kólemi 108 mln dollar kóleminde ınvestısııa quıýdy josparlap otyrmyz. Jańa sehty iske qosqannan keıin biz eksporttyq áleýetimizdi 5 mlrd teńgege jetkize alamyz. «Hımfarmnyń» atynan farmasevtıkalyq salany qoldap, ınvestorlarǵa yńǵaıly jaǵdaı jasaǵanyńyz úshin alǵys aıtamyz», - dedi Ýrbanes.
Búgingi tańda zaýytta 1200-den astam joǵary bilikti maman jumys isteıdi. О́ndiristiń barlyǵy álemdik sapa standartyna saı keledi. «Hımfarm» AQ jobalary Prezıdenttiń farmasevtıkalyq saladaǵy otandyq óndiris úlesin arttyrý tapsyrmasymen ındýstrıalandyrý jáne jahandyq jańarý baǵdarlamasy aıasynda júzege asyrylýda.
Salalyq GMP standaryna tolyq saı keletinin bul sehta jylyna túrli dertti emdeýge arnalǵan 20 mıllıonnan astam qorap dári shyǵarylady. Aldaǵy ýaqytta seh jylyna 600 mıllıon tabletka shyǵarýdy josparlap otyr. Oǵan múmkindigimiz tolyq jetedi deıdi kompanııa ókilderi.
