«О́mirimniń sáýlesin, órenime shashaıyn» atty Ǵalı Ormanovtyń 110 jyldyq mereıtoıy mektebimizde bastalyp,«Aqyn ǵumyry» atty respýblıkalyq ádebı – sazdy shyǵarmashylyq kesh Astana qalasy Jastar teatrynda jalǵasyn tapty. Ataýly is-sharaǵa Almaty qalasynan arnaıy kelgen aqynnyń qyzy – Jámıǵa Ǵalıqyzy, jıeni Aıdar Qyryqbaıuly jáne Astana qalasynyń zııaly qaýymy aqyn, halyqaralyq «Alash» ádebı syılyǵynyń ıegeri Serik Turǵynbekuly, fılologııa ǵylymdarynyń kandıdaty, alashtanýshy Qaırat Saq, belgili jýrnalıst «Altyn Juldyz» syılyǵynyń ıegeri, Qazaq Ulttyq О́ner akademııasynyń kurmetti professory Nurtileý Imanǵalıuly qatysty. Sonymen qatar aqynnyń týǵan jerin Almaty oblysy Aqsý aýdany Qapal aýylyndaǵy Ǵalı Ormanov atyndaǵy orta mektep ustazdary men shákirtteri keldi.
Keshti Astana qalasy memlekettik fılarmonııasynyń «Saryarqa» folklorlyq ansambli ashty. Sonymen qatar Ǵalı Ormanovtyń qazaq radıosynyń altyn qorynda saqtalǵan 1963 jyly berilgen suhbaty kórermenderge usynyldy.
Aqynyn qurmetegen qoǵam qaıratkeri, ónerjanashyry «Nur Otan» partııasynyń birinshi hatshysy Qul-Muhammed Muhtar Abraruly arnaıy quttyqtaý hat jiberdi. "Ǵalı Ormanov ádebıetimizge ótken ǵasyrdyń 20-jyldarynyń sońynda kelip, qazaq poezııasynyń qalyptasýyna úlken úles qosqan asa talantty aqyn. О́leń-jyrǵa qumartyp, qıssa-dastandardy jattap ósken qalamger jastaıynan ádebıetke jaqyn boldy. Ǵalekeń ólkelik gazetterde jarııalanǵan alǵashqy óleńderimen-aq qalyń oqyrmannyń júregine jol tapty. Jambyl Jabaevtyń ádebı hatshysy bola júrip jyr alybynyń shyǵarmalaryn jas urpaqqa jetkizýge zor eńbek sińirdi", delingen hatta.
Kesh sońynda Ǵalı Ormanov atyndaǵy №7 mektep – gımnazııasynyń dırektory Aıtova Janat Turysbekqyzy sóz alyp, aqynnyń qyzy – Jámıǵa Ǵalıqyzyn sahna tórine shaqyryp,syı – qurmet kórsetti. Jámıǵa Ǵalıqyzy ákesi týraly estelikter aıtyp, keshti uıymdastyrýyna qoldaý kórsetken Astana qalasy Mádenenıet basqarmasyna, Bilim basqarmasyna sheksiz alǵysyn bildirdi.
