Forým BUU Bas Assambleıasy usynǵan Halyqaralyq eriktiler kúnine oraı ótkizildi. Respýblıkalyq «Volunteer.KZ» forýmyna elimizden 100 erikti qatysypty. Reseı, Belarýs, Ortalyq Azııa elderinen de ókilder keldi. Jıynǵa oblys ákimi Bolat Baqaýov ta qatysyp, sóz sóıledi. -Eń belsendi eriktilerdiń bizdiń óńirde belsendi jumys jasaıtyny qýantady,- dedi óz sózinde. Jergilikti uıymdastyrýshylardyń aıtýlarynsha, 5-7 jeltoqsan aralyǵyna josparlanǵan shara bizdiń elimizdiń «Eriktiler qozǵalysy úshin» úlken serpin boldy. Forýmnyń basty maqsaty-respýblıkamyzdyń jáne shet elder eriktiler uıymdary ókilderiniń arasyndaǵy yntymaqtastyqty nyǵaıtý. Qazirgi kezdegi ózekti máselelerdi sheshý úshin birlesken jumys jasaýǵa baǵyttalǵan.
Osy kúnderi oblys ortalyǵynda «Eriktiler úıi» de ashyldy.
Jastar bastamalaryn damytý ortalyǵynyń dırektory Saıat Júsipbaevtyń aıtýynsha ǵımarattyń tarıhy kóne, 1905 jyly salynǵan. Bos jatqan ǵımaratqa demeýshiler esebinen kúrdeli jóndeý jasaldy. Arhıtektýralyq kelbetin saqtalyp qalypty. Qazir «Eriktiler úıine» 9 uıym ornalasty.
Qalalyq mádenıet úıinde ótken jıyn qorytyndysynda 15 erikti «Jyl eriktisi» ataǵyn aldy. Eń belsendi erikti Evgenııa Habarova atalsa, eń belsendi eriktiler klýby bolyp «Klýb dobrıakov» dep tanyldy.
Jastar ortalaǵynyń málimetinshe, bul kúnderi óńirde 5-myńdaı erikti bar.
Farıda Byqaı
«Egemen Qazaqstan»
Pavlodar
