- «Astana» komandasy qarapaıym gol soqty. Ekinshi taımda birneshe gol salatyn múmkindigimiz bolyp edi, alaıda fýtbolshylarymyzdyń joly bolmady. Men qazaqstandyq klýbty shyn júrekten quttyqtaımyn.
- Qorǵaýshylaryńyzdyń oıynyna qandaı baǵa beresiz, olar birde bir shabýylǵa durys ún qosa almady ǵoı. Qaptaldan kótergen doptarynyń bireýi de dál barmady. Sonymen qatar Iаn Lashtývkanyń ózi qatelikter jasady.
- Qorǵaýshylarymyz óte óreskel oınaýǵa tyrysty. Árıne, qaptaldaǵy qorǵaýshylarymyzǵa kóp min taǵylady. Degenmen, olardyń basty maqsaty qorǵanys. Mysaly, Nesıd óz múmkindigin golǵa aınaldyrsa qazir osylaıshy qorǵaýshylardy synap otyrmas edik. Bizdiń jeńiliske qorǵaýshylar kináli emes. Búkil komanda kináli. Sonymen qatar, Mılan Shkodanyń jaraqat alyp qalǵanynyń da kesiri tıdi.
- Delı men Hýshbaýer nege oınamady?
- Ol ekeýinde jaraqat boldy. Sondyqtan da, olarǵa tolyqtaı sene almadym. Barlyǵy olarǵa da tirelip turǵan joq. Delı kóp ýaqyt boıy bizben jattyqpady. Al jalpy aıtqanda, «Astana» men «Slavııa» komandalary bir-birine uqsas. Oıyn máneri de aınymaıdy desem bolady. Tek búgin qazaqtardyń joly boldy.
- Osy oıynnan keıin qyzmetińizden ketetin shyǵarsyz?
- Bir oıyndy jeńile salyp, qyzmetten kete salmaımyn. Eger klýbtyń basshylyǵy solaı bolsyn dep sheshse, men qarsy eshteńe de deı almaımyn. Alaıda, óz basym bul klýbpen áli de jumys istegim keledi.
Ermuhamed Máýlen
