Bul sabaqtardyń maqsaty – Qarýly Kúshterdiń habarlandyrý júıesin tekserý, jaýyngerlik ázirliktiń joǵary dárejesin júrgizý barysynda áskerlerdi basqarý kezindegi basqarma (shtabtardyń) organdarynyń úılesimdiligin arttyrý jáne maqsat boıynsha tapsyrmalardy oryndaý, jınaqtaýshy jergilikti áskerı basqarý organdarymen, ózge de áskerler men áskerı quralymdarmen ózara is-qımylǵa qoldaý kórsetý.
2018 jyly áskerlerdiń daıyndyǵynda negizgi kúsh áskerı basqarý organdary men áskerlerdiń jaýyngerlik jáne jumyldyrý daıarlyǵyn qoldaýǵa shoǵyrlandyrylmaq. Sonymen birge 2017-2020 jyldarǵa arnalǵan Qazaqstan Respýblıkasynyń Ulttyq qaýipsizdik strategııasy jáne Qazaqstan Respýblıkasynyń Áskerı doktrınasynda aıqyndalǵan tapsyrmalar sheńberinde áskerlerdiń (kúshterdiń) jaýyngerlik qabiletin arttyrý boıynsha keshendi is-sharalar qabyldaý josparlanýda.
Qarýly Kúshterdiń quramalary men bólimderinde taktıkalyq-saptyq sabaqtar jańa oqý jylyna arnalǵan saltanatty sap túzeýler men mıtıngiler ótkizýden bastaldy. Sabaqtar «qarapaıymnan kúrdelige deıin» prınsıpimen ótkiziletin bolady. Áskerlerde qatardaǵy jaýyngerden bastap generalǵa deıin, barlyq deńgeıdegi shtabtardyń qatysýymen, jaýyngerlik tehnıkalardy shyǵarý jáne dalalyq jasaqtaý pýnktterin qurý boıynsha jaýyngerlik ázirlik máseleleri pysyqtalatyn bolady. Qazaqstan Qarýly Kúshteri áskerı qyzmetshileri jaýyngerlik daıyndyqtardy uıymdastyrý jáne áskerlerdi basqarý boıynsha is-qımyldardy tájirıbe túrinde oryndaıdy. Sabaqtar bólimsheler men vzvodtar, rotalar men batalondar, áskerı bólimder, óńirlik qolbasshylyqtar (ásker tekteri), odan soń ásker túrleri deńgeıinde jáne Qarýly Kúshter kóleminde ótkiziletin bolady.
Eske salar bolsaq, 2018 oqý jyly Qazaqstan Respýblıkasynyń Qarýly Kúshterinde «Uly dala áskeri – Máńgilik el tiregi!» uranymen ótkizilmekshi.
Qaırat JÚNISULY
