Otyrysta Ortalyq Azııa elderiniń transshekaralyq sý yntymaqtastyǵyn nyǵaıtý boıynsha usynystar talqylandy. Sondaı-aq Qazaqstanda Sý resýrstaryn baǵalaý boıynsha halyqaralyq ortalyq ashyldy.
Keńeste Ortalyq Azııadaǵy sý saıasaty salasyndaǵy óńirlik dıalog týraly jańa bastama kóterildi. Ol 2018 jyly Birikken Ulttar Uıymynyń Eýropalyq ekonomıkalyq komıssııasynyń Transshekaralyq aǵyn sýlar men halyqaralyq kólderdi qorǵaý jáne paıdalaný jónindegi konvensııasy Taraptary keńesiniń segizinshi sessııasyna usynylatyn bolady.
Astanadaǵy keńsesiniń ashylýy óńirlik dıalogtyń tıimdiligin arttyrýda jáne sý problemalary boıynsha halyqaralyq uıymdarmen yntymaqtastyqty keńeıtýde taǵy bir qadam boldy. Ortalyqtyń Qazaqstandaǵy qyzmeti óńirlik jáne jahandyq sý problemalary boıynsha halyqaralyq ǵylymı ortalyqqa aınalýǵa múmkindik beredi jáne álemdik qaýymdastyqqa óz úlesin qosady, dep atap ótti mınıstrlik ókilderi.
Eske sala keteıik, Transshekaralyq aǵyn sýlar men halyqaralyq kólderdi qorǵaý jáne paıdalaný týraly konvensııa (Sý konvensııasy) 1992 jylǵy 17 naýryzda Helsınkıde (Fınlıandııa) qabyldanyp, 1996 jyly kúshine engen. Qazaqstan 2000 jylǵy 23 qazanda atalǵan konvensııaǵa qosyldy. Ortalyq Azııa elderinen Konvensııanyń taraptary qataryna Reseı, О́zbekstan jáne Túrikmenstan da engen. Sý konvensııasy qabyldanǵan sheshimderdiń oryndalýyn jeńildetý úshin birqatar qosalqy tetikterdi paıdalanady. Sonyń biri – Halyqaralyq sýdy baǵalaý ortalyǵy (HSBO). HSBO – sý resýrstaryn basqarý máselesi boıynsha ǵalymdar men saıasatkerlerdi biriktirý maqsatynda qurylǵan.
Qazaqstanda Ulttyq dıalog (SSUD) prosesi 2012 jyly bastaldy. SSUD qyzmetin jáne oǵan basshylyq jasaýdy Qazaqstan Respýblıkasy Premer-Mınıstriniń sheshimimen konsýltatıvtik-keńesshi organ retinde qurylǵan vedomstvoaralyq úılestirý keńesi júzege asyrady. Qazaqstan Respýblıkasynyń Aýyl sharýashylyǵy mınıstrligi Vedomstvoaralyq úılestirý keńesiniń jumys organy (hatshylyǵy) bolyp tabylady.
Suńǵat ÁLIPBAI,
«Egemen Qazaqstan»m
