Ulttyq komıssııa otyrysy ótti

Otyrys barysynda Ult­tyq komıs­sııanyń aldyńǵy oty­rysynyń qorytyn­dysy boıynsha qurylǵan tórt ar­naıy jumys tobynyń quramy men ju­mystarynyń jos­pary talqylanyp, beki­tildi. Atap aıtqanda, orfo­grafııalyq, ádistemelik, ter­mı­nologııalyq jáne sarap­tamalyq-tehnıkalyq jumys toptary quryldy, olar latyn grafıkasyn bilim júıesine birtindep engizýdiń ereje­leri men ádisterin ázirleıdi, tildiń termın­dik qoryn júıeleıdi, sondaı-aq latyn gra­fıkasyn AT-tehnologııalarǵa jáne aqpa­rattyq keńistikke beıim­deý­men aınalysady. Budan ózge, Mádenıet jáne sport mınıs­tr­ligi janyndaǵy ǵyly­mı-ádistemelik orta­lyqty qurý múmkindigi qarasty­ryldy.

Ulttyq komıssııa jumy­sy­nyń baǵyttary boıyn­sha «Nur Otan» partııasy Tór­aǵasynyń birinshi oryn­basary M.Qul-Muham­med, Qazaqstan halqy As­samb­leıasy Tóraǵasynyń oryn­basary – Prezıdent Ákim­shiligi Qazaqstan halqy Assam­bleıasy hatshylyǵynyń meń­gerýshisi D.Myńbaı, Par­lament Máji­lisiniń depýtaty B.Mamyraev, Mádenıet já­ne sport mınıstri A.Mu­ha­medıuly, Bilim jáne ǵy­lym mınıstri E.Saǵadıev, Aq­parat jáne kommýnıkasııalar mınıstri D.Abaev, A.Baıtursynov atyndaǵy Til bili­mi ınstıtýtynyń dı­rektory E.Qa­jy­bek, Til bilimi ınstıtýtynyń til máde­nıeti bóliminiń meń­ge­rýshisi N.Ámirja­nova, A.Baı­tursynov atyndaǵy Til bilimi ınstı­týtynyń bas ǵylymı qyzmetkeri J.Álim­han, Qazaqstan Res­pýb­lıkasy Ká­sip­­o­­daqtar Fede­rasııasy tór­aǵasynyń keńes­­shisi E.Sa­ıyrov jáne t.b. sóz sóıledi.

Eske sala keteıik, Qazaq tili álipbıin latyn grafıkasyna kóshirý jónindegi ulttyq komıssııa – bıyl qarasha aıyn­da qurylǵan Úkimet ja­nyn­daǵy sabaǵattyq-keńesshi organ.

Premer-Mınıstr B.Sa­ǵyn­taevtyń tóraǵa­lyǵymen komıssııa quramyna: tóraǵa orynbasary – Premer-Mı­nıstr­diń orynbasary E.Do­saev, sondaı-aq Pre­zı­dent Ákimshiliginiń, «Nur Otan» partııa­synyń ókil­deri, Parlament depýtattary, JOO ókilderi, tanymal ǵalymdar jáne qoǵam qaıratkerleri kirdi.

Sharalar josparyna sáıkes, qazaq tili álipbıin latyn grafıkasyna 2025 jylǵa deıin kezeń-kezeńmen kóshirý jos­parlanǵan. Birinshi kezeń 2018-2020 jyldardy, ekinshi kezeń – 2021-2023 jyldardy, úshinshisi 2024-2025 jyldardy qamtıdy.