Gaagada «Qazaqstan Kameratasy» memlekettik klassıkalyq mýzyka ansambliniń konserti ótti

Konserttiń saltanatty ashylý rásiminde sóılegen Qazaqstannyń Nıderlandtaǵy elshisi Maǵjan Ilııasov óz sózinde ekijaqty ynty­­maqtastyqtyń barlyq salalarynda oń ózgerister oryn alǵan­dyǵyn atap ótti. Atap aıt­qanda, halyqaralyq kún tár­tibi máseleleriniń kóbi boıynsha uqsas ustanymdar bolyp, 2018 jylda eki memleket BUU-nyń Qaýipsizdik Keńesi sheńberinde belsendi ózara árekettestikke ázir ekendikterin bildirip otyr.
Mýzykalyq keshtiń shy­myl­dyǵy Qurmanǵazynyń «Bal­byraýyn» kúıimen túrildi. Odan ári ańyzǵa aınalǵan «The Beatles» aǵylshyn tobynyń ataqty týyndylary Qazaqstan orkestri tarapynan klassıkalyq mánerde oryndaldy. Konsert aıaqtalǵannan keıin kórermender qazaqstandyq ártisterdi dý qol shapalaqpen marapattady. Konserttik zaldyń dálizderinde qonaqtar bir-birimen keshten alǵan keremet áserlerimen bólisti.

Tyńdarmandar arasynda halyq­­aralyq uıymdardyń bas­shy­­lary, dıploma­tııalyq mıssııalardyń basshylary, gollandııalyq iri kompanııalar men bankterdiń basshylyǵy, Benılıýks memleketteriniń zııa­ly qaýym ókilderi, sondaı-aq qazaqstandyq dıaspora jáne Nıderlandta oqyp jatqan otandas stýdentterimiz boldy.

Gollandııa Syrtqy ister mı­nıstrligi Eýropa depar­ta­menti­niń dırektory Dafne Bergsma: «Búgin biz «Qazaqstan Kame­ratasy» ártisteri oryndaǵan álemdik klassıkalyq jáne qazaq ulttyq áýenderiniń tamasha oryn­dalýyna kýá boldyq. О́re­li óner­pazdar bizge asa joǵa­ry kásibı she­ber­likteri men umytylmas óner keshin syılady», dep atap ótti.