Kedendik resimdeýden ótkizilgen soń, alǵashqy júk tıelgen 29 avtokólik, bos avtokólik pen bir jeńil mashına paromǵa tıeldi. Tasymaldanatyn júkter quramynda Qazaqstanda jáne Orta Azııada ósirilgen aýylsharýashylyǵy ónimderi men qurylys materıaldary jáne basqa da taýarlar bar.
«Qazaqstan temir joly» UK» AQ vıse-prezıdenti Baýyrjan Orynbasarovtyń aıtýynsha, Kompanııa Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyndaǵy tapsyrmalardy oryndaýyn jalǵastyra túsýde. 2017 jyldyń basynan bastapQuryq temirjol paromymen 700 myń tonna júk tasymaldaý josparlanǵanymen, qazirdiń ózinde 1 mıllıon 350 myń tonna júk tasymaldandy.
«Jańa avtokólik parom kesheni jylyna eki mıllıon tonna júkti óńdeýden ótkizedi. Jańa eksporttyq-ımporttyq baǵdar Kavkaz, Túrkııa jáne Ońtústik Eýropaǵa jáne keri qaraı baǵyttalady»,- deıdi Baýyrjan Orynbasarov. 6 jeltoqsandaǵy Jalpyulttyq telekópir kezinde Quryq portynda Kaspıı aıdynyna testilik synaq retinde avtokólik pırsi gıdrotehnıkalyq ımaratymen avtokólik paromyna kemeniń kirýine múmkindik ápergen bolatyn.
Quryq parom kesheni temirjol men avtokólik joly arqyly kelip, ony jerge túsirmesten, birden kemege kirip, tıeýge barynsha qolaıly jaǵdaı jasalǵan, erekshe, ózindik zamanaýı teńiz ınfraqurylymy. Jańa Quryq parom kesheni elimizdiń tranzıttik-kólik áleýetin damytýdy júzege asyryp jatqanJańa Jibek jolynyń mańyzdy tizbegi bolyp sanalady.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
