Tarbaǵataı aýdany Tuǵyl aýylynyń turǵyndary osydan biraz ýaqyt buryn týǵan jerin qurmetteýdiń shynaıy úlgisin kórsetken taǵylymdy istiń kýási boldy. Osy aýylda uzaq jyl abyroıly qyzmet atqarǵan Qabdyǵalı Ahmetovtiń balalary eldi meken syrtyndaǵy uzyndyǵy 2 shaqyrym beıit aýmaǵyn bıiktigi 1 jarym metr temir dýalmen qorshap, qabirshilerge shaǵyn úı salyp beripti. Bul iske 15 mıllıon teńgege jýyq qarjylaryn jumsapty.
«Kóp ýaqyttan beri syrttamyz. Syrtta júrsek te aýyldy, eldi saǵynamyz. Byltyr týǵan mekenge bir kelgenimizde aýyl shetindegi beıitterdiń keıbiriniń qulap, mal aıaǵyna taptalyp, ashyq-shashyq jatqanyn kórip, júregimiz aýyrdy. Bizdiń atamyz, týǵan-týystarymyz, aýyldyń talaı adamdary osy beıitte jerlengen. «О́li razy bolmaı tiri baıymaıdy» degendeı, aǵa-inilermen aqyldasa kele osyndaı sheshimge keldik. Tuǵyldan túlep ushyp, búginde elimizdiń túkpir-túkpirinde eńbek etip jatqan myqty azamattar az emes. Sol azamattar týǵan jeriniń, aıaýly aýylynyń bir jyrtyǵyn jamaýǵa járdemdesse kindik kesken ólkemiz odan ári kórkeıa túser edi», - deıdi ıgi iske muryndyq bolǵan aǵaıyndylar Meırambek pen Qaıratbek Ahmetovtar.
Týǵan topyraqtarynan shalǵaıda júrse de perzenttik paryzdaryn esten shyǵarmaıtyn Qabdyǵalı áýleti keleshekte aýyldaǵy mektepke qoldan kelgen kómegin kórsetpek nıette.
Azamat QASYM,
«Egemen Qazaqstan»
Shyǵys Qazaqstan oblysy,
Tarbaǵataı aýdany.
