Dinı qyzmet jáne dinı birlestikter týraly zań jobasy talqylandy

«Memleketimizdiń qaýipsizdigi men turaqtylyǵyn saqtaýda qoǵa­my­myzdaǵy dinı ahýal úlken mańyzǵa ıe. Bul salaǵa qa­tysty sońǵy jyldary álemde oryn alyp jatqan qubylystar qo­ǵam­dyq qatynastar júıesi men memlekettik qurylymdy tú­be­geıli ózgertip jiberýi múmkin ekenin kórsetýde. Qoldanystaǵy «Dinı qyzmet jáne dinı birles­tikter týraly» zań 2011 jyly qabyldandy. Ol memleket pen dinı birlestikter arasynda óza­ra mindetter men quqyqtardy bekitti. Bul zań din salasynda jaýapkershilik qatynastardyń qalyptasýynda óz mindetin oryndady. Degenmen, 2011 jyldan beri din salasynda álemdik deńgeıdegi jaǵymsyz úrdister kúsheıe tústi. Bizdiń elimizde qoǵamnyń jaǵdaıy men onyń dinı saladaǵy suranystary ózgerdi. Dinshil adamdardyń úlesi artty, dinı aýdıtorııaǵa shetelden yqpal etý edáýir kúsheıdi. Buǵan aqparattyq keńistiktiń ashyqtyǵy jáne jahandaný prosesteri áser etýde. Búginde bizder dinı uıymdarmen birlesip eńseretin birqatar qaýip-qaterler paıda boldy. Sondyqtan, damýymyzdyń jańa kezeńinde dinı qatynastardy retteýdiń quqyqtyq tetikterin jetildirý usynylady. Osy negizde biz elimizdiń tarıhy men erekshelikterine sáıkes dinge degen ózindik ustanym jasaý­damyz. Ol úshin memleket pen dinniń ózara is-qımyly­nyń qazaqstandyq modeli qalyp­tasýda. Onyń negizinde naqty ustanym jatyr – ol dinniń saıa­sılanbaýy. Budan bólek, din­ge qyzyǵýshylyq tanytatyn tur­ǵyndardyń dinı saýattylyǵyn kóterýge erekshe mán beriledi. Zań jobasynyń ıdeologııalyq negizin Elbasy Jarlyǵymen be­ki­tilgen «Din salasyndaǵy mem­le­­ket­­tik saıasattyń 2017-2020 jyl­­darǵa arnalǵan tujyrym­da­masy» qabyldandy», dedi Berik Aryn.

Sonymen qatar ol, «Qa­zaq­stan Respýblıkasynyń keıbir zańnamalyq aktilerine dinı qyzmet jáne dinı birlestikter máse­leleri boıynsha ózgerister men tolyqtyrýlar engizý jónin­degi» zań jobasy dinı birles­tikter men basqa da qoǵamdyq uıymdardyń, sarapshylar men buqaralyq aqparat quraldary, sheteldik dıplomatııalyq korpýs pen Eýropadaǵy qaýipsizdik jáne yntymaqtastyq uıymy, BUU ókilderiniń qatysýymen ótken kóptegen otyrystarda keńinen talqylanǵanyn jetkizdi.

Raýan QAIDAR,
«Egemen Qazaqstan»