Búgin qalalyq máslıhattyń kezekti sessııasynda «Elordada ekologııalyq qaýipsizdik pen qorshaǵan ortany qorǵaýdy qamtamasyz etý sharalary» taqyrybynda baıandama jasaǵan Astana qalasy ákiminiń orynbasary Qosman Aımuhametovtyń málimetinshe, jobanyń jalpy quny 23 mlrd teńgeni quraıdy.
«Botanıkalyq baqtyń aýdany - 92 gektar. Jobanyń jalpy quny – 23 mlrd teńge, bul qarjynyń 12 mlrd teńgesi – jeke ınvestısııalar.
Qazirgi tańda baqta 2 jylyjaı bar. Olardyń birinde tropıkalyq ósimdikterdiń 40-tan astam túri, ekinshisinde – shóldi jerdegi ósimdikterdiń 40 túri ósirilýde. Nysannyń qurylysy 2018 jyldyń ortasynda aıaqtalady dep josparlanýda», - dep atap ótti Qosman Aımuhametov.
Munymen qosa, qazirgi tańda Astanada ózen jaǵasynyń mańyndaǵy saıabaq salynyp jatyr. Onyń jalpy aýdany 141 myń sharshy metrdi quramaq. Munda 10 myńnan astam japyraqty jáne qylqan japyraqty aǵash otyrǵyzylady dep josparlanyp otyr.
