Sonyń nátıjesinde búginde Aqtóbe qalasynda jáne oblystyń barlyq aýdandarynda jaldamaly kommýnaldyq turǵyn úıler qurylysy qyzý qarqyn alyp keledi. Onyń órisi ásirese Alǵa qalasynda óte keń deýge bolady.
Bıyl munda osyndaı baǵyttaǵy 136 páterli úsh turǵyn úıdi paıdalanýǵa berý kózdelgen bolsa, qazirgi kúni onyń alǵashqy legine turǵyndar qonystana bastady. Syńǵyrlaǵan sý jańa páter kiltterine ıe bolǵandardyń basym bóligin kóp balaly jáne az qamtylǵan otbasylar, sondaı-aq bıýdjettik sala qyzmetkerleri quraıdy. Solardyń biri kóp balaly ana Aqqaısha Qulmaǵambetova óziniń kóterińki kóńil kúıin «Egemen.kz» tilshisine bylaısha jetkizdi.
- О́zge bireýdiń jekemenshigindegi úıdi jaldap turý – aqshany bostan-bos aıdalaǵa shashýmen birdeı. Al jaldamaly kommýnaldyq turǵyn-úı jaǵdaıynda aldaǵy ýaqytta ózińniń ıeligińe kóshetin baspana úshin qarajat tóleısiń. Ekeýiniń biraz aıyrmashylyǵy bar. Bizdiń kóp balaly otbasy úshin kommýnaldyq páter óte yńǵaıly. Onyń kilti qolymyzǵa tıip, qýanysh qushaǵynda júrmiz. Osy úlken istiń yńǵaıyn keltire bilgen azamattarǵa aıtar alǵysymyz sheksiz. Munyń bári birinishiden egemen el bolǵanymyzdyń arqasy dep túsinemin.
Táýelsizdik merekesi kúnderi jáne jańa jyl qarsańynda Alǵada qonys toıyn toılaýshylar qatary odan ári kóbeımek.
Temir QUSAIYN,
"Egemen Qazaqstan"
