Foto: Erlan OMAROV, «Egemen Qazaqstan»
Igi sharany ál-Farabı atyndaǵy Qazaq ulttyq ýnıversıtetiniń (QazUÝ) Jýrnalıstıka fakýlteti VI Mobıldik medıa mektebi aıasynda uıymdastyryp otyr. Oǵan Astana, Almaty qalalarynan bólek, Jambyl, Qaraǵandy, Qyzyljar óńirleriniń stýdentteri qatysty.
Alqaly jıynǵa basylym basshysy Darhan Qydyráli qatysyp, bolashaq tilshilerge gazettiń ótkeninen syr shertip, josparlar jaıly oı bólisti jáne ómirin jýrnalıstıkamen baılanystyratyn árbir adam aldymen gazettiń tynys-tirshiligimen tanysýy kerek ekenin aıtty. Gazet basshysynyń aıtýynsha, jaza biletin maman árdaıym suranysqa ıe jýrnalısterdiń qatarynda bolady.
– Qazir redaksııamyzda jastardyń qatary kóbeıdi. Aldaǵy jyly da bul úrdis jalǵasa bermek. Biz qazir ınternet-redaksııamyzdy kúsheıtip jatyrmyz. Osy maqsatta saıtymyz qazaq tilinen bólek, bıyl aǵylshyn jáne orys tilderinde aqparat taratýdy bastady. Nátıjesinde, stýdentterdiń aǵylshyn tilindegi maqalalary jarııalana bastady. Mine, bul jastarǵa ózin ózi kórsetýi úshin «Egemen Qazaqstan» tarapynan berilgen úlken múmkindik, – dedi Darhan Qydyráli.
Osydan keıin sóz alǵan saıası ǵylymdarynyń doktory, professor Gúlmıra Sultanbaeva Táýelsizdiktiń qarsańynda Astana qalasyna arnaıy atbasyn burǵanyn aıta kelip, bul kezdesýdiń jastarǵa úlken kómegi tıetinin alǵa tartty.
Sonymen qatar, ol QazUÝ rektorynyń uıytqy bolýymen osyǵan deıin «Egemen Qazaqstannyń» 90 jáne 95 jyldyq mereıtoılarynyń qurmetine birqatar is-shara ótkenin eske salyp, aldaǵy ýaqytta ýnıversıtet ǵımaratynda «Egemen Qazaqstan» oqý-zerthanasy ashylý josparlanyp otyrǵanyn aıtty. Budan bólek, QazUÝ-dan kelgen ustaz basylymda bolyp jatqan ózgeristerdi, saıt betinde jańadan qosylǵan aýdıoformattaǵy maqalalardy qýana-qýana qabyldaǵanyn, stýdentter «Egemenniń» árbir maqalasyn oqý barysynda paıdalanatynyn jetkizdi.
Sóz sońynda Gúlmıra Sultanbaeva «Egemen Qazaqstan» kitaphanasyna «Máńgilik el» kak ıntellektýalnaıa matrısa Kazahstana» kitabyn syıǵa tartyp, osyndaı keleli kezdesýdiń ótýine muryndyq bolǵany úshin alǵys bildirdi.
Stýdentter kezdesýden keıin gazettiń óndiristik-shyǵarmashylyq bólimderiniń, ınternet-redaksııasynyń jumystarymen tanysyp, ózderine qyzyqty suraqtarǵa jaýap aldy.
