Biraq 90-shy jyldarǵy ekonomıkalyq daǵdarys kezinde bosap qaldy da, odan keıingi jyldary kásipker Evgenııa Rybakova satyp alǵan bolatyn. 2013 jyly kásipker ǵımaratty qalaǵa óteýsiz negizde qaıtaryp berdi de, ony memlekettik jekemenshik áriptestigi sheńberinde qaıtadan bala baqshaǵa arnap jóndeý jumystary bastalyp ketken. Memlekettik jekemenshik áriptester Qostanaı oblystyq balam basqarmasy men «Eldena-D» jaýapkershiligi shekteýli seriktestigi bala baqshany jóndeý-jabdyqtaý jumystaryna 462 mıllıon teńge jumsady.
Osy bala baqshany Lısakovqa saparynda oblys ákimi Arhımed Muhambetov kelip aralap kórdi.
«Táýelsizdik merekesiniń qarsańynda oblysta kóptegen áleýmettik nysandar ashylyp jatyr. Munyń barlyǵy Elbasynyń tapsyrmasymen jasalyp jatqan jumystar. Bala baqsha sonyń jarqyn mysaly deýimizge bolady. Lısakov qalasyndaǵy jaqsy jumystar munymen shekteleıdi. Qalada stadıon jańǵyrtylyp, jazda oblystyq spartakıada osynda ótedi» dedi Arhımed Begejanuly.
Eki qabatty bala baqsha zamanaýı talaptardyń barlyǵyna jaýap beredi. Onda mýzyka jáne deneshynyqtyrý zaldary, uıyqtaıtyn, oıyn bólmeleri, psıholog, logoped kabınetteri, medısınalyq blok pen ádistemelik kabınetteri bar. Ashana blogy men kir jýatyn blok óz aldyna. Munda 1 jastan 6 jasqa deıin 11 top ashylatyn bolady. 77 adam jumys ornyn tapty.
«Osy balalar baqshasynyń ashylýyna oraı biz Lısakov qalasyndaǵy búldirshinder kezegin tolyqtaı joıamyz. Endi qalada eshqandaı otbasy bala baqsha kezegine turmaıdy. Qaladaǵy keıbir bala baqshalarda búldirshinder orny tyǵyz bolatyn, endi olardy da osy bala baqshaǵa aýystyratyn bolamyz. Munda qazaq toptaryn da jabdyqtaımyz» deıdi Lısakov qalalyq oqý bóliminiń basshysy Elena Býrdyka.
Názıra Járimbet
«Egemen Qazaqstan»
Qostanaı oblysy, Lısakov qalasy
