Shyndyǵynda da Qazaqstannyń táýelsiz memleket bolyp qalyptasýynda Elbasynyń sińirgen eńbegi ólsheýsiz. Tuńǵysh Prezıdent kúniniń 1 jeltoqsanǵa belgilenýi de teginnen-tegin emes. 1991 jyly dál osy kúni elimizde alǵash ret jalpyhalyqtyq Prezıdent saılaýy ótkizildi. Bul sodan keıingi barlyq jaqsylyqtardyń, ásirese Qazaqstan táýelsizdiginiń habarshysy ispettes boldy.
Shırek ǵasyrǵa jýyq ýaqyt boıy elimizde basqa salalarmen birge ishki áskerler de damyp keledi. 1992 jylǵy 10 qańtarda memleket basshysy alǵashqylardyń qatarynda ishki áskerler qurý týraly Jarlyqqa qol qoıdy. Al sol jyly 23 maýsymda «Qazaqstan Respýblıkasyndaǵy ishki áskerler týraly» zańǵa qol qoıyldy. Bul ishki áskerlerdiń maqsat-mindetterin aıqyndap bergen tuńǵysh quqyqtyq qujat edi.
Táýelsizdiktiń bastapqy jyldary qylmys kóbeıip, memleket pen quqyq qorǵaý organdary qaýip-qaterdiń jańa túrlerimen betpe-bet keldi. Mine, osyndaı kezde ishki áskerler aldynda qoǵamdyq tártipti qamtamasyz etip, turǵyndardy qylmystan qorǵaý mindeti turdy. Áskerı qyzmetkerler osy mindetti barynsha adal atqaryp keledi.
Áskerlerdiń qazirgi zamanǵy talaptarǵa saı bolýy Elbasynyń únemi nazarynda. Prezıdenttiń 2014 jylǵy 21 sáýirdegi Jarlyǵymen Ishki ister mınıstrliginiń ishki áskerleri Ulttyq ulany bolyp qaıta quryldy. Bul bizge burynǵydan da aıryqsha jaýapkershilik júkteıdi.
Osy ýaqyt ishinde Joǵarǵy Bas qolbasshy Nursultan Nazarbaevtyń salıqaly saıasatynyń arqasynda quqyqty áskerimiz aıaǵyn nyq basyp, tik turdy deýge negiz bar. Jyl saıyn býyny bekip, qýaty artyp keledi. Elimizdiń quqyqtyq áskeri memleketimizdiń táýelsizdigi men tynyshtyǵynyń kepili.
Búgingi tańda Ulttyq ulan áskerleri ózderiniń kásibı sheberligimen, jaýyngerlik daıarlyǵynyń belsendilik deńgeıimen jáne materıaldyq-tehnıkalyq qamtamasyz etilýimen erekshelenedi.
Halyqtyń qaýipsizdigin, azamattardyń bolashaqqa senimdiligin arttyratyn, elimizdiń beıbit ómir súrip, damýyna jaǵdaı jasaıtyn armııanyń alar orny erekshe.
Er azamatpyn dep sanaıtyn árbir jan úshin eń basty mindet – Otan qorǵaý. Elbasymyz aıtqandaı, patrıottyq rýh bizge aýadaı qajet.
Dál osyndaı is-sharalardyń patrıotty urpaq tárbıeleýde mańyzdylyǵy zor ekendigi sózsiz. Búginde elimizdiń áskerin biz táýelsizdigimizdiń qorǵany dep maqtanyshpen aıta alamyz.
Elbasyna degen halyq senimi tuńǵysh Prezıdent kúnin keń kólemde atap ótýge serpilis berýde. Osyǵan oraı «Batys» óńirlik qolbasshylyǵyna qarasty áskerı bólimderde de saltanatty jıyndar ótip, konsertter men kórmeler uıymdastyrylýda.
Kitaphanalarda Elbasynyń ómir joly týraly fotokórmeler men stendiler jasaqtalsa, klýbtarda derekti fılmder kórsetilýde. Osyndaı sharalar kezinde áskerı qyzmetkerler Elbasynyń kóshbasshy retindegi rólin odan saıyn tereń sezine túsýde.
Sondyqtan da osy merekeni halyq táýelsiz memleketimizdiń negizin qalaǵan Elbasyna degen sheksiz qurmet, eren damýdyń dańǵyl jolyna salyp otyrǵan tarıhı tulǵaǵa degen iltıpat retinde qabyldady.
Shyndyǵyna kelgende, elimizdiń Tuńǵysh Prezıdentine Elbasy ataǵyn halyq áldeqashan berip qoıǵan edi. Elimizdiń Parlamenti ony tek zańdy turǵydan ǵana bekitti.
Elbasynyń álemdik deńgeıdegi qabilet-qarymyna, saıası is-qımylyna, ekonomıkany alǵa jyljytý jolyndaǵy tıimdi saıasatyna, ýaqyt talabyna saı oılastyrylǵan strategııalyq ustanymdaryna qaltqysyz sengen qazaqstandyqtar óziniń Tuńǵysh Prezıdentine, eki tizgin bir shylbyrdy teń ustaǵan Elbasyna árqashan qoldaý bildirdi, bildirip te kele jatyr. Tizginniń berik qolda ekendigi qazirgi daǵdarystan da daǵdarmaı shyǵatynymyzǵa, elimizdiń eńsesi bıikteı túsetinine nyq senim uıalatady.
О́z kezeginde Qazaqstan Respýblıkasy Ulttyq ulanynyń áskerleri quqyqtyq turaqtylyqty saqtaýǵa, arnaıy memlekettik obektilerdi qorǵaýǵa jáne basqa da qyzmettik, áskerı mindetterdi oryndaýǵa arnalǵan. О́zderiniń áskerı mindetterin oryndaýda ulandyqtar áskerı joǵary sanalylyq pen jankeshtilik kórsetýde.
О́ziniń jıyrma bes jyldyq merekesi aıasynda Ulttyq ulan áskerleriniń atqarǵan ıgi sharalary jeterlik. Eń bastysy, olar jastarǵa Otandy qorǵaý, Prezıdent pen halyqqa jan aıamaı eńbek etý, eldi súıý, ant pen paryzǵa adal bolýdyń jarqyn úlgisin kórsetip júr.
Sóz sońynda aıtarymyz, qazaqta ár zamanda epti, batyl, erjúrek sarbazdar bolǵan. Olar barlyq qıyndyqtar men joryq kezindegi turmys muqtajdyǵyn kóterýde qabilet-qarymyn kórsete bilgen. Búgingi Qazaqstan áskerleri, Prezıdent N.Nazarbaev aıtqandaı, «dańqty ótkenimizden kúsh ala otyryp», ótkenimizdi rýhanı jalǵastyrýshy jańa kúsh ekenine kámil senemiz.
Álibek SERÁLIEV,
general-maıor, Ulttyq ulan «Batys» óńirlik qolbasshylyǵynyń qolbasshysy
ORAL
