Vladımır PÝTIN,
Reseı Prezıdenti:
– Qazaqstan halqy óziniń áleýmettik-ekonomıkalyq jáne memlekettik qurylystaǵy qol jetken tabystaryn oryndy maqtan ete alady. Respýblıkanyń halyqaralyq bedeli jyldan-jylǵa artyp keledi, qoǵamdaǵy ultaralyq qatynastar da jetildirile túsýde. Reseı men Qazaqstan halyqaralyq arenadaǵy, Eýrazııa keńistigindegi aımaqtyq ıntegrasııalyq qurylymdardaǵy kúshterin úılestirýi óziniń tıimdiligin kórsetti.
Hý SZINTAO,
QHR-dyń burynǵy Tóraǵasy:
– Táýelsizdik jyldary Sizdiń basshylyǵyńyzben eńbek súıgish te aqylman Qazaqstan halqy óziniń qajyrly da jasampaz eńbegimen damýdyń durys jolyn taba bildi. Búginde Qazaqstanda ekonomıka turaqty damý ústinde, halyqtyń ál-aýqaty artyp, qoǵamnyń áleýmettik-saıası turaqtylyǵy saqtalyp otyr. Sońǵy jyldary Qytaı-Qazaqstan qatynastary belsendi damýda.
Barak OBAMA,
AQSh-tyń burynǵy Prezıdenti:
– Sizdiń elińiz egemendi, turaqty jáne órkendegen memleket retinde óziniń damýynda mańyzdy tabystarǵa qol jetkizdi. Men Qazaqstanǵa Aýǵanstandaǵy turaqtylyq pen qalpyna keltirý isindegi ustanymy úshin rızashylyǵymdy bildiremin jáne men Sizdiń ultaralyq jáne dinı tózimdilikti alǵa jyljytý jónindegi kúsh-jigerińizdi joǵary baǵalaımyn.
Rejep Taıyp Erdoǵan,
Túrkııa Prezıdenti:
– «Asa qadirmendi Prezıdent myrza, meniń aıaýly baýyrym! Siz túrki jurtynyń aqsaqaly retinde Qazaqstan men Túrkııa arasyndaǵy baýyrlastyqty nyǵaıtýǵa aıanbaı ter tógip kelesiz. Men Sizdi úlgi tutatynymdy jasyrmaımyn».
Margaret TETChER,
Ulybrıtanııanyń burynǵy premer-mınıstri:
– Men Qazaqstan Prezıdentiniń búgingi kúni ózimiz ushyrasyp júrgen problemalardy talqylaý úshin alýan túrli dinı nanymdardyń sonshama kóp ókilderin shaqyrý jónindegi bastamashylyǵyn barynsha quptaımyn. Mundaı Forým ótkizý úshin birde-bir el dál Qazaqstandaı qolaıly bola almas edi.
Hýan KARLOS I,
Ispanııa Koroli:
– Sizdiń elińiz osy jyldar ishinde aıtarlyqtaı nátıjelerge jetti. Bizdiń birlesken jumysymyzdyń arqasynda bizdiń memleketterimiz arasyndaǵy qarym-qatynastar dostyq pen yntymaqtastyq rýhynda damyp otyrǵany meni erekshe qýantady. Men Sizdiń kúsh-qýatyńyzdyń arqasynda Qazaqstan ómirindegi jańa kezeń taǵy úlken progresspen jáne halyqtyń ál-aýqatynyń artýymen belgili bolatynyna senemin.
Ilham ALIEV,
Ázerbaıjan Prezıdenti:
– Sizdiń basshylyǵyńyzben Qazaqstan tamasha jetistikterge jetti, el óte serpindi jáne tıimdi damýda. Sizderdiń tabystaryńyz jasampaz isterińizden, qalalar kelbetinen, barlyǵyn súısindirip otyrǵan jańa elorda – Astananyń ásem kelbetinen kórinedi. Qazaqstan – áleýeti orasan el. Siz júrgizip kele jatqan reformalar bolashaqqa baǵyttalǵan. Búgin qolda bar áleýet áleýmettik máseleni, ekonomıkalyq reforma máselesin tıimdi sheshýge múmkindikter týǵyzyp otyr. Biz úshin Qazaqstan barlyq ýaqytta dostas, baýyrlas el boldy.
Emomalı RAHMON,
Tájikstan Respýblıkasynyń Prezıdenti:
– Ashyq-jarqyndyǵy, shynshyldyǵy, tartymdylyǵy, adamǵa degen súıispenshiligi – munyń bári de Nursultan Ábishulynyń tabıǵatyna tán qasıetter. Qazaq jurtynyń, eliniń kóp ultty halqynyń aldyndaǵy, tarıhtyń aldyndaǵy joǵary jaýapkershilik sezimi onyń boıynan ámanda ajyraǵan emes.
Ol uly uıymdastyrýshy retinde Qazaqstandy keńesten keıingi keńistiktiń damyǵan memleketteriniń birine aınaldyrdy. Qazaqstannyń áleýmettik-ekonomıkalyq saladaǵy tabystary taǵylym alarlyq. Naǵyz basshy ǵana osyndaı nátıjelerge jete alady, bul jaǵynan alǵanda, Nursultan Ábishuly óz halqynyń daýsyz basshysy.
