Qazir aımaqta 193 avtobýs mektep oqýshylary tasymalymen aınalysýda. Sonymen qatar aımaq basshylyǵynyń tapsyrmasymen «Mektep avtobýsy» baǵdarlamasy boıynsha avtoparkter jańartylýda.
«Elimizdiń erteńin qalaıtyn jasóspirimderdiń, jastardyń sapaly bilim alýy úshin qolaıly jaǵdaı týǵyzýymyz qajet. Qazirgi kúni oblystyń mektepterin tolyqtaı avtobýspen qamtamasyz ettik. Onyń ústine bul ózimizdiń óńirimizde qurastyrylyp jatqan kólikter», – dedi Danıal Ahmetov.
DAEWOO BSD 106 markaly avtobýstary Semeı qalasyndaǵy «SemAz» kólik zaýytynda qurastyrylǵan. Jolaýshylar kóligi qaýipsiz tasymaldyń barlyq talaptaryna jaýap beredi.
Osy oraıda eskere ketý kerek, búginde Shyǵys Qazaqstanda mektebi joq eldi mekenniń 6041 oqýshysy tolyqtaı kólik tasymalymen qamtamasyz etilgen.
Azamat QASYM,
«Egemen Qazaqstan»
О́SKEMEN
