Tanymal qaıratkerler nagradtaldy

Elbasynyń arnaıy Jarlyǵy boıynsha Qazaqstannyń mádenıet jáne sport, ádebıet pen ónerdiń damýyna óz úlesterin qosyp júrgen azamattarǵa memlekettik nagradalar, medaldar jáne Al­ǵys hattaryn Qazaqstan Respýb­lı­ka­synyń Mádenıet jáne sport mınıstri Arystanbek Muhamedıuly tabystady.

Marapattaý rásiminde sóz alǵan mınıstr Arystanbek Muhamedıuly qazaqstan­dyq­tar­dy Táýelsizdik me­rekesimen quttyqtap, 26 jyldyń ishin­de Qazaqstan dúnıe júzine tany­mal, álemde erekshe orny bar el­ge aı­nal­ǵanyn aıtty. «Mundaı dáre­je­ge eń alǵash Elbasy Nursultan Nazar­ba­ev­tyń salıqaly saıasatynyń ar­qa­synda já­ne tatý-tátti ómir súrip jat­qan hal­qy­myzdyń, elge qyzmet etip jatqan árbir qazaqstandyqtyń ar­qasynda jetip otyrmyz. Bizdiń ata-babalarymyz armandaǵan Táýel­siz­dik merekesi barlyǵymyzǵa tek jaq­sylyq alyp kelsin», dep elge ti­le­­gin jetkizdi.

Quttyqtaý sózinen keıin Arys­tan­­bek Muhamedıuly memleke­ttik já­­ne qoǵamdyq qyzmette eńbek si­ńir­­gen, eldiń áleýmettik-eko­no­mı­kalyq já­ne mádenı damýyna, ha­lyq­tar ara­syndaǵy dostyq pen yn­ty­maq­tas­tyqty nyǵaıtýǵa qos­qan eleýli úlesi úshin О́skemen qala­syn­daǵy «Berel» memlekettik tarıhı-má­de­nı qoryq mýzeıi» RMQK ǵylymı qyz­­metkeri Zaınolla Samashevti, ja­zý­shy Esenǵalı Raýshanovty, sazger Se­ken Turysbekovti, kınorejısser Alekseı Kamenskıı jáne taǵy basqa eli­mizge belgili azamattardy «Parasat» or­denimen marapattady.

«Qurmet» ordenimen «Sakraldy Qazaqstan» ǵylymı-zertteý or­ta­ly­ǵynyń basshysy Berik Ábdi­ǵa­lı­uly, «Astana Opera» Memlekettik opera jáne balet teatry» KEAQ je­­­tek­shi opera solısi Súndet Baı­ǵo­­jın, Máde­nı­et jáne sport mı­nı­­­str­ligi komıtet tó­ra­ǵasynyń oryn­­­basary Ǵalymjan Mel­de­shov, «Ult­­tyq shtattyq komandalar já­ne sport rezervi dıreksııasy» RMQK sport­shy-nusqaýshy, balýan Aıbek Nu­ǵy­m­arovqa tabystaldy.

«Qazaqstannyń eńbek sińirgen qaı­ratkeri» ataǵy «Ǵ.Músirepov atyn­­­daǵy Qazaq memlekettik aka­de­­mııalyq balalar jáne jas­ós­pi­rim­­­der teatry» RMQK dırektory Sá­bıt Ábdihalyqovqa, aqyn Ele­na Áb­diqalyqovaǵa, kompozıtor Ar­man Dúısenovke, «Astana qalasy ákim­diginiń «Jastar teatry» KMK ak­teri Ádil Ahmetovke, «Mýz TV» te­le­vı­zııalyq premııasynyń dırekto­ry Arman Davletııarovqa jáne taǵy bas­qa óner ıe­le­rine berildi. Al II dá­rejeli «Dostyq» or­denimen mara­pat­­talǵandar arasynda La Skala tea­try­­nyń bas dırıjeri Zýbın Menta (Úndistan), vıolonchelıst Sergeı Roldýgın (Reseı) jáne opera ánshisi Domıngo Plasıdo (Ispanııa) bar.

Álı BITО́RE,
«Egemen Qazaqstan»​​​