Táýelsizdik merekesi qurmetine Aqtóbe qalasynda memleket-jekemenshik áriptestigi aıasynda boı kótergen oftolmologııalyq ortalyq osy olqylyqtyń ornyn toltyrdy deýge ábden bolady. Mundaǵy emhana men aýrýhana júıesindegi biryńǵaı keshenge eń sońǵy zamanaýı úlgidegi qural-jabdyqtar men joǵary tehnologııalyq qondyrǵylar ornatylǵan.
Jańa ortalyqqa Aqtóbede qurylǵan medısınalyq klasterdiń tıgizetin shapaǵaty da edáýir ekeni ǵımarattyń ashylý rásimi kezinde ashyq aıtyldy. О́ıtkeni osy «Kóz jaryǵy» dep atalǵan teńdesi joq klınıkada klaster quramyndaǵy M.Ospanov atyndaǵy Aqtóbe memlekettik medısına ýnıversıtetiniń kóz aýrýlary kafedrasy ornalasqan. Teorııa men tájirıbeniń, ǵylym men bilimniń bir arnaǵa toǵysar tusy da el óńirleri arasynda eshqandaı balamasy joq osy jańa oftolmologııalyq ortalyq bolyp otyr.
Innovasııalyq tehnologııa arnaıy mamandandyrylǵan bilikti mamandar tobyn qajet etedi. Bul rette olar óz tájirıbelerin álemniń eń úzdik klınıkalarynan tolyqtyryp qaıtypty. Jańa klınıkada el aımaqtarynda buǵan deıin bolyp kórmegen kúrdeli otalar jasalmaq. Onyń bári negizinen memlekettik tapsyrys sheńberinde júrgizilmek. Bul jóninde gazet tilshisine «Darý» emdeý-saýyqtyrý ortalyǵynyń jetekshisi, joba ınvestory Ǵalymjan Eleýov aıtyp berdi. Mundaǵy joǵary mamandandyrylǵan emhanalyq jáne stasıonarlyq em túrleri jas talǵamaıdy. Oftolmologııalyq ortalyq eresekter men balalarǵa teń deńgeıde medısınalyq kómek kórsete beredi. Onyń qamtylý aýmaǵyna respýblıkanyń batys óńirindegi Aqtóbe, Atyraý, Batys Qazaqstan, Mańǵystaý jáne Qyzylorda oblystary kiredi dedi ol odan ári.
Memleket pen iri bıznestiń ózara kelisimi men túsinistigi arqasynda turǵyzylǵan jańa klınıkanyń qoǵamdyq-áleýmettik máni men mańyzyna eshqandaı baǵa jetpeıdi. Ortalyqtyń basty maqsaty – tek kóz aýrýlaryn emdeý men otalar jasaý ǵana emes, sonymen birge atalǵan derttiń aldyn alý máselelerine de keń óris ashý jáne profılaktıalyq jumystardy odan ári jandandyrý bolyp otyr. Mundaǵy basty ustanym emdeý sapasyn jaqsartýǵa jáne biliktilik pen kásibı sheberlikti kóterýge baǵyttalǵan.
Respýblıka aımaqtary arasynda teńdesi joq sáni men sáýleti kelisken záýlim ortalyq qurylysy nebári bir jyl eki aıdyń ishinde aıaqtalǵan. Jobaǵa ınvestordyń qosqan úlesi 4 mıllıard teńgege jýyq.
Memleket-jekemenshik áriptestigi sheńberinde aıaqtalǵan ortalyq qurylysy Táýelsizdik merekesi kúnine arnalǵan tartý boldy. Osyndaıda jaraısyń Ǵalymjan, Reseıde Fedorov klınıkasy bolsa, Qazaqstanda Eleýov klınıkasy nege bolmasqa degiń keledi eriksiz.
Temir QUSAIYN,
«Egemen Qazaqstan»
AQTО́BE
