Oraıy kelip turǵanda Bekbolat Ádetov tolaıym pýblısıstıkalyq týyndylarynan bólek, «Báısheshek», «Altynaı», «Jerdegi juldyzdar», «Ińkár kóńil» atty kórkem shyǵarmalardan turatyn tórt kitaptyń avtory, 8 romandy qazaq tilinde sóıletken tamasha aýdarmashy ekenin aıta ketelik.
Qazaq jýrnalıstıkasynyń akademıgi, 70-80-jyldardaǵy «Sosıalıstik Qazaqstan» basylymynyń beldi jýrnalısi, bolmysy bólek, jaratylysy jaısań Bekbolat Ádetov jaıly belgili aqyn О́tegen Oralbaıuly bir óleńinde:
Bir sózdi bilmeı qalsań Bekeńe bar,
Jatsynbas, jatyrqamas jeteńe bar,
Álgi sóz qulyn-taıdaı quldyrańdap,
О́riske oınaq salyp ketedi olar...
Bekeńe sálem berem saǵynyp bir,
Kóp termın kútim tappaı jabyǵyp tur.
Qazaqtyń nebir sózi, tuman basyp,
Bekeńe jol taba almaı qamyǵyp tur, –
deıtini beker emes.
– Jýrnalıstıkaǵa barǵanyma, osy ómirdi kórgenime ókinbeımin. Túbirleı alǵanda, óz taǵdyryma shynymen-aq qyzyǵamyn. Nebir jaqsylar men jaısańdardy kórdik. Dámdes-tuzdas boldyq. Tom-tom kitap jazbasaq ta qyryq jyldaı eldiń tarıhyn birge jazystyq. «Sharlaǵan jolym jatyr jer betinde» dep Qasym Amanjolov aıtpaqshy, irili-usaqty gazet-jýrnal betterinde, ásirese qazaq baspasóziniń qara shańyraǵy «Egemen Qazaqstanda» qoltańbamyz qaldy. Qalamymyzdyń qarymy da júregimizdiń jalyny da sonda jatyr, – deıtin aqjúrek aǵaǵa tabystar jalǵasyn tapsyn dep tileımiz.
Aınash ESALI,
«Egemen Qazaqstan»
ALMATY
