Sonymen qatar oblystyń áleýmettik-ekonomıkalyq damýyna qosqan úlesteri men qyzmettegi kásibı jetistikteri úshin 47 qyzylordalyq orden, tósbelgi jáne Qurmet gramotalarymen marapattaldy. Olar óńir turǵyndarymen birge kúndelikti tynymsyz eńbeginiń nátıjesinde shıkizattyq emes sektordyń óndiris kólemin 28 paıyzǵa artyp, salynǵan turǵyn úılerdiń jalpy aýmaǵy 35,6 paıyzǵa ósti, kúrishten jarty mıllıonnan astam tonna ónim jınap, aımaqty ekonomıkanyń negizgi salalary boıynsha elimizdegi kóshbasshy oblystar qataryna qosýǵa atsalysty.
Saltanatty jıynda Qyzylorda oblysynyń ákimi Qyrymbek Kósherbaev syrbıylyqtardy merekemen quttyqtady.
"26 jyl ishinde jas memleketimiz basqalar ǵasyrda jete almaıtyn joldy júrip ótti. Qazaqstan egemendigin saqtap, álemde óz ornyn nyǵaıtyp, babalardń ańsaǵan armanyn aqıqatqa aınaldyrdy. Bul kópultty halqymyzdyń birligi men Elbasynyń sarabdal saıasatynyń nátıjesi. Barsha qyzylordalyqty uly mereke - Táýelsizdik kúnimen quttyqtaımyn! Árqaısyńyzdyń jumysyńyzǵa tabys, táýelsiz Qazaqstanymyzǵa tynyshtyq pen bereke tileımin!",-dedi oblys ákimi.
Merekelik shara otandyq estrada juldyzdary men jergilikti óner ujymdarynyń konsertine ulasty. "Alaý" toby, oblystyq kameralyq orkestr jáne basqa da artıster patrıottyq ánder men álemdik klassıkalyq mýzykanyń jaýharlaryn oryndady.
