Qalalyq máslıhattyń depýtaty, kásipker Sergeı Korotınniń demeýshiligimen esigin aıqara ashqan ortalyqtyń lentasyn «Qazaq tili» birlestiginiń tóraıymy Roza Dáýitova men «Nur Otan» partııasy oblystyq fılıaly tóraǵasynyń orynbasary Oleg Chýgýnkov qıdy. O.Chýgýnkov ortalyqtyń ashylýy memlekettik deńgeıdegi mańyzdy reformany júzege asyrýdyń alǵashqy qadamdarynyń biri ekendigin atap ótti. «Ortalyq qajetti materıaldyq-tehnıkalyq quraldarmen tolyq jabdyqtalǵan. Oqýlyqtardy, 1929-1939 jyldary latyn qarpinde jarııalanǵan kitaptar men maqalalardy osy jerden tabýǵa bolady. Jańadan ashylǵan kabınettiń eń alǵashqy kelýshileri halyqqa latyn qarpin úıretetin ustazdar qaýymy bolady dep oılaımyz», - deıdi kitaphana qyzmetkeri Ásel Omarova.
Shara barysynda jańa álipbımen tanystyratyn alǵashqy beınejazba sabaǵy ótkizildi. Beınejazba sabaǵyn Almaty qalasyndaǵy Ahmet Baıtursynov atyndaǵy Til bilimi ınstıtýty dırektorynyń ǵylymı jumys jónindegi orynbasary, fılologııa ǵylymdarynyń kandıdaty Anar Fazyljanova júrgizdi.
Jańa álipbıdi oqyp-úırený ortalyǵynda paıdalanýshylarǵa kitaptar men ınternetti aqysyz paıdalanýǵa bolady. Kitaphana qyzmetkerleri aldaǵy ýaqytta túrli sala mamandary úshin onlaın keńester men sabaqtar uıymdastyrylatynyn aıtady.
Azamat QASYM,
«Egemen Qazaqstan»
О́SKEMEN
