«Tuńǵysh Prezıdent-Ult Kóshbasshysy Nursultan Nazarbaevtyń saıqaly saıasaty arqasynda Qazaqstan búginde ekonomıkalyq jaǵynan qýatty memleketke aınalyp otyr. Beıbitshilik, turaqtylyq qashanda basty ustanymymyz bolyp qala beredi. Aldymyzda ozyq damyǵan otyz eldiń qataryna jetý sekildi asqaraly mindetter tur», dedi Qumar Irgebaıuly turǵyndarǵa arnap sóılegen quttyqtaýynda.
Saltanatty rásim barysynda aımaq basshysy Prezıdenttiń atynan bir top soltústikqazaqstandyqqa memlekettik nagradalar tapsyrdy . Sýǵa batyp bara jatqan balany qutqarý kezinde óz ómirin qurban etken Nurıslam Jumabekovtyń janqııarlyq erligi «Eren eńbegi úshin» medalimen atap ótilip, ákesine tabys etildi. Estý qabyleti tómen balalardy baldyq bıge úıretip, halyqaralyq jarystarda top jarý mártebesine qol jetkizgen ansambldiń jetekshisi Olga Rostovshıkova «Shapaǵat» medalin keýdege jarqyrata taqty.
Estrada juldyzdary Janar Duǵalova, ıtalııandyq ánshisi Son Paskal turǵyndarǵa ánnen shashý shashty. Osy kúni ortalyq alańdarda túrli mádenı-sporttyq sharalar ótip, «Rımkazagro», «CitiMall», «Aqqaıyń» sekildi birneshe áleýmettik nysandar, saýda oryndary paıdalanýǵa berildi.
Táýelsizdik kúni aýdandarda da kóterińki kóńil-kúımen atap ótildi.
О́mir Esqalı,
«Egemen Qazaqstan».
Soltústik Qazaqstan oblysy.
