Balalar mekemesi memlekettik-jekemenshik áriptestik aıasynda nebary 10 aıdyń ishinde turǵyzyldy. 3200 sharshy metr aýmaqta ornalasqan ǵımarattyń qurylysyna 530 mıllıon teńge jumsaldy. Jobany jeke kásipker Garık Bernesıan júzege asyrdy. Ol oblys ortalyǵynda osymen úshinshi balabaqshany paıdalanýǵa berdi. Osy baǵyttaǵy jumystardy odan ári jalǵastyrmaq nıette.
Aımaq basshysy Qumar Aqsaqalov áleýmettik mańyzy bar ǵımaratty aralap kórdi. О́ńirde balǵyndardy mektepke deıingi mekemelermen qamtý kórsetkishi júz paıyz oryndalǵanyn jetkizdi. Munda 3-6 jas aralyǵyndaǵy búldirshinder qazaq, orys jáne aǵylshyn tilderinde bilim alatyn bolady. Balabaqsha jeke kásipkerdiń qarajatyna salynǵanymen, 7 toptyń barlyǵy bıýdjet arqyly qarjylandyrylady. Demek shyǵynnyń bir bóligin memleket óteıdi degen sóz. Sonymen qatar 48 jańa jumys orny ashyldy.
О́mir Esqalı,
«Egemen Qazaqstan».
Soltústik Qazaqstan oblysy.
