Baıqaý sharty boıynsha stýdentter qazaq tilindegi mátindi bir saǵattyń ishinde kırıllısadan latyn grafıkasyna kóshirip jazý kerek. Stýdentter úshin tapsyrma ońaı bolmaǵan sekildi. I oryndy jeńip alǵan 3-kýrs stýdenti Álııa Tólemisova gramota men fleshkaǵa ıe boldy. II oryndy 4-kýrs stýdentteri Narǵyz Omarova men Talǵat Sarybasov, III oryndy 3-kýrs stýdenti Zarına Qusnııarova men 4-kýrs stýdenti Ánıpa Nurmaǵambetova ıelendi. Júldeli oryn alǵan stýdentterge ýnıversıtet kásipodaq komıtetiniń demeýshiligimen syılyqtar tabys etildi.
«Latyn grafıkasyna kóshirip jazý kezinde stýdentter biraz qate jibergenimen, yntalary óte jaqsy boldy. Latyn grafıkasyn meńgerý jastarǵa sonshalyqty qıyndyq týǵyzbaıdy. Mektepte de, joǵary, orta oqý oryndarynda da osylaı baıqaý, jarys ótkize berý kerek. Bul tek qazaq balalarynyń ǵana emes, ózge ult ókilderiniń de qazaq tiline, latyn grafıkasyna degen qyzyǵýshylyǵyn arttyrady», deıdi osy baıqaýdy uıymdastyrǵan professor Mánsııa Sámámbetova.
Názıra Járimbet,
«Egemen Qazaqstan».
Qostanaı
