«Soltústik-Ońtústik» saıası ortalyǵy uıymdastyrǵan pikirtalas Reseı memlekettik gýmanıtarlyq ýnıversıtetinde ótti. Jalpy, Aral teńizi basseıni alty respýblıkanyń aýmaǵyn qamtıdy: Ortalyq Azııa elderi men Aýǵanstan. Ekologııalyq apat qaıtalanbaý kerek degen ǵalymdardyń oıy ekige bólindi. Biri «Aral teńizi adam qolymen jasalǵan ekologııalyq apattan qurǵady» dese, ekinshi top «teńizdiń mańyn jaılastyrý, qalpyna keltirý - sıkldi qubylys» deıdi.
- Teńizdi burynǵy qalpyna keltirý adam qolynan keletin dúnıege uqsamaıdy. Tipti barlyq kúsh-jigerdi salyp, Syrdarııa men Ámýdarııanyń deńgeıin 60-jyldardaǵydaı kórsetkishke jetkizsek te, teńizdi toltyrý prosesi ondaǵan jylǵa sozylady. Al nátıjesi jańa sý qoımasyn qurýmen teń bolar edi. Sol sebepti Aral teńizin qoljetimdi jáne qolaıly jaǵdaıda qutqarýdy oılastyrý kerek», - deıdi RǴA okeanologııa ınstıtýty dırektorynyń orynbasary Petr Zavıalov.
