«Dostarym, Məskeýde «Birinshi kanalmen» teledıdar jəne kıno ındýstrııasyn damytý jolynda yntymaqtastyq týraly kelisim-shartqa qol qoıdyq. Kelissózder barysynda qol jetkizgen yntymaqtastyqtyń keleshegi zor. Baǵamdap kórińizder. Biz birlesip eki teleserıal túsiretin boldyq: biri – Uly Otan soǵysy kezinde Almatyda jumys istegen Ortalyq birlesken kınostýdııa týraly bolsa, ekinshisi – Astanaǵa aınalǵan Selınograd tarıhy jaıynda. Eki jobany da qarjylandyrý 50/50 bolady, serıaldardy «Birinshi kanal» efırinde kórsetemiz (bul - 190 eldegi 250 mln.kórermen), al eń bastysy – teń quqyqty jaǵdaıda halyqaralyq prokatqa shyǵýymyz. Kınofestıvalder aýyly da jaqyndaı túsetini sózsiz» dep jazady mınıstr.
Arystanbek Muhamedıulynyń sózinshe, osydan buryn da Qazaqstan men Reseı yntymaqtastyǵy arqasynda dúnıege kelgen joba – «28 panfılovshylar» kórermen yqylasyna bólenip, Reseı Federasııasynyń úzdik fılmi atanǵan.
«Biz nətıjege jetý úshin jumys isteımiz. Osy joly da əlemge keń taralǵan telekanalmen birlese atqaratyn iri jobalarymyzdyń sətti bolatynyna senimdimin. Bizdiń tarıhymyz barsha əlemge kórsetiletin bolady, dostarym», deıdi A.Muhamedıuly.
