Tarazdyń 2000 jyldyq merekesine oraı jáne «Mádenı mura» Baǵdarlamasy aıasynda Aısha bıbi kesenesi tolyqtaı qaıta jańǵyrtýdan ótken bolatyn. Arada ýaqyt ótip, mekeme josparyna sáıkes, 2017 jylǵy 8 jeltoqsannan bastap Respýblıkalyq mańyzdaǵy tarıhy mura Aısha bıbi men Babadja Hatýn keseneleriniń kúmbezderine aǵymdaǵy jóndeý jumystary jasalýda. Jańǵyrtý jumystaryn Qazaqstan Respýblıkasy Mádenıet jáne sport mınıstrliginiń «Qazqaıtajańǵyrtý» RMK Taraz fılıalynyń mamandary atqarýda. Aısha bıbi kesheni ádettegideı qalypty jaǵdaıda jumys jasap tur.
Aısha bıbi kesenesi — HI-XII ǵasyrlardaǵy sáýlet óneriniń kórnekti eskertkishi. Jambyl oblysy Jambyl aýdanynda Aısha bıbi aýylynda ornalasqan. Syrty keramıkalyq plıtalarmen qalanyp, oıyp jasalǵan órnektiń sán-saltanaty men san túrliligi jaǵynan Qazaqstandaǵy basqa memorıaldyq-dástúrlik eskertkishter ishinde oǵan teń keletini joq, bastapqyda keseneniń tek batys qabyrǵasy ǵana saqtalǵan.
