«Maslodel» JShS elimiz boıynsha irgeli kompanııalardyń biri sanalady. Onyń maıly daqyldar óńdeıtin qurylymy Ǵ.Músirepov aýdanynda ornalasqan. Al Petropavl qalasynda paıdalanýǵa berilgen óndiris oshaǵynda sıyr súti tereńdetip óńdelip, kúnine 320 tonna ónim shyǵarylady. Sý jańa qondyrǵylar Shvesııa Koroldiginen jetkizilgen. Barlyq úderis avtomatty túrde júzege asyrylady. Tetra Pak jelisi tehnologııalyq únemdiligimen erekshelenedi, elektr energııasy úsh ese az tutynylady, al óndiris qýatty eki ese artatyn bolady. Eń bastysy, germetıkalyq qaptamalarǵa quıylǵan ónim tórt aıǵa deıin saqtalady.
«Ozyq jobanyń artyqshylyqtary kóp. О́nimniń sanyn ǵana emes, sapasyn da jaqsartatyn múmkindikterge ıe bolyp otyrmyz. 120 turaqty jumys orny quryldy. Sehtar tolyq qýatyna kóshkende jergilikti qazynaǵa 10 mıllıard teńge mólsherinde salyq tólenbek. Shıkizat Soltústik Qazaqstan, Qostanaı oblystarynan alynady. Keleshekte qoıyltylǵan tátti sút shyǵarý da josparlanǵan», dedi «Maslodel» seriktestiginiń bas dırektory Pavel Selıvanov.
Údemeli ındýstrııalyq-ınnovasııalyq damý baǵdarlamasy aıasynda qaıta jańǵyrtý jumystaryna 3 mıllıard teńgeden astam qarajat jumsalyp, memlekettiń qoldaýyna ıe bolǵan.
Bıyl oblys boıynsha 555 myń tonna sút ónimderin óndirip, qaıta óńdeý kórsetkishin 17 paıyzǵa kóbeıtý mindeti alǵa qoıylsa, meje qazirdiń ózinde oryndalyp otyr. Qaıta óńdeletin ónimniń kólemi 65 paıyzdy quraıdy. 72 taýarly-sút fermalarynyń tórtten biri sońǵy úlgidegi quraldarmen jumys isteıdi. Endi Indýstrııalandyrý kartasy aıasynda 2,7 mıllıard teńge bólinip, taǵy 8 ferma ashý belgilengen. Osylaısha otandyq sút ónimderi eksportqa úzdiksiz jóneltiletin bolady.
О́mir ESQALI,
«Egemen Qazaqstan»
Soltústik Qazaqstan oblysy
Sýretti túsirgen
Talǵat TÁNIBAEV
