Budan buryn Naırobıde ótken Mınıstrler konferensııasynda Qazaqstan eksporttyq básekelestik týraly tarıhı sheshim qabyldanǵanyn qoldap, qazirgi tańda onyń DSU-ǵa múshe elder tarapynan ýaqtyly júzege asyrylatynyna úmit artqan bolatyn. Turaqty ókil bul másele Qazaqstan úshin úlken qyzyǵýshylyq týdyratynyn jetkizdi. О́ıtkeni DSU-ǵa qosylý barysynda elimizdiń teńizge shyǵý múmkindigi joq ekenine qaramastan, Qazaqstan eksporttyq sýbsıdııalardan bas tartýǵa májbúr boldy. Osy oraıda Qazaqstan basqa elderdi DSU-nyń jańa múshelerine qatysty birkelki básekelestik alańyn qurýǵa shaqyrady.
J.Aıtjanova Doha raýndy sheńberindegi uzaqqa sozylyp ketken saýda kelissózderi boıynsha konsensýstyń bolmaýyna qaramastan, DSU-ǵa múshe elder qazirgi syndarǵa jaýap izdeýdi bastaý qajettigin basyp aıtty. Bul tez ózgeretin ekonomıkaly ortada erekshe mańyzǵa ıe bolyp otyr, óıtkeni elektrondy saýda, ınvestısııalarǵa qoldaý kórsetý, shaǵyn jáne orta kásiporyndardyń halyqaralyq saýdaǵa ıntegrasııalanýy, sondaı-aq ashyqtyqqa qoıylatyn talaptardy kúsheıtý sııaqty jańa taqyryptar boıynsha talqylaýlardy keıinge qaldyrý qazirgi qalyptasyp otyrǵan jaǵdaıda DSU-ny naqtylyǵy men ózektiligi tómen uıymǵa aınalýyna ákelýi múmkin. Qazaqstandyq dıplomat elimizdiń qyzmet kórsetý salasynda ishki retteý erejelerin ázirleý boıynsha kópjaqty kelissózderdiń qaıta bastalýyn quptaıtynyn da sóz etti. Bul Qazaqstannyń ulttyq ekonomıkalyq múddelerine tolyq sáıkes keledi.
Sonymen qatar otandyq delegasııa basshysy qazirgi tańda Qazaqstan ekonomıkasynyń barlyq salalaryn jáne áleýmettik ómirdiń ártúrli aspektilerin qamtıtyn sıfrlandyrý baǵdarlamasyn júzege asyryp jatqanyn habarlady. Osyǵan baılanysty bizdiń el DSU-nyń elektrondy saýdany damytý úshin ashyq, kemsitpeıtin jáne boljamdy ǵalamdyq erejelerdi ilgeriletýdegi mańyzdy rólin moıyndaıdy.
Mınıstrler konferensııasy DSU-nyń eki jylda bir márte ótkiziletin joǵary basqarýshy organy bolyp tabylady. Onyń quzyretine mınıstrlerdiń Uıym qyzmetiniń basym baǵyttary boıynsha sheshimder qabyldaý kiredi. Ádette konferensııanyń negizgi maqsaty DSU-ǵa múshe elderdiń halyqaralyq saýdanyń jańa retteýshi normalary men erejeleri boıynsha kelisimderge qol jetkizý, sondaı-aq uıymnyń bolashaq jumysynyń jalpy baǵytyn kelisý bolyp tabylady.
«Egemen-aqparat»
