Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda jergilikti munaı kompanııasy Dossor kentine demalys orynyn syıǵa tartty. Joba quny – 72 mln teńge. Kompanııa ókili Rashıd Otarov: «Dossor kenti elimizdegi munaı salasy tarıhynyń bastaýy bolǵandyqtan, biz ıgi isten shet qalmadyq. Jergilikti turǵyndar demalatyn oryn bolmaǵandyqtan, osyndaı saıabaq salyp, barlyq erejelerge saı abattandyrýdy jón kórdik», deıdi.
Qazir aımaqta «Rýhanı jańǵyrý» baǵdarlamasy aıasynda 108 joba júzege asýda. Buǵan qosymsha jobalar men is-sharalar da bar. Onyń ishinde quny 4 mlrd 360 mln teńge bolatyn 18 jobany jergilikti demeýshiler qarjylandyrǵan.
Táýelsizdik kúni oblys ortalyǵynda, sondaı-aq barlyq aýdandar men aýyldarda atalyp ótti. Atyraý qalasy mańyndaǵy Geolog poselkesinde 165 oryndyq «Nurálem» bóbekjaı-balabaqshasy, Qaıyrshaqty aýyldyq okrýgi Tomarly eldi mekeninde jańa jeńil atletıkalyq jáne fýtbol stadıony paıdalanýǵa berildi.
Baqytgúl BABASh,
«Egemen Qazaqstan»
ATYRAÝ
